كفي والمنجمه
بقلمي: leo Alfatlawi
بارت الخامس والعشرون ***ج2 ***
فتحت عيوني على كبرهن واني اشوفه اشلون يضحك لازم ايدي اتقدم بسرعة صرخت وسحبت ايدي حيل كعدت ورجعت ليورا
انتبهت لمكاني كاعده على سدية وسيروم بيدي مشكل الولد الثاني ضحك كال لاتخافين انتي بالمستشفى انطيني ايدج خلي اقيس الضغط
جاوبته واني ارجف وخر مااريد اقيس ضغطي اطلع
-هدي واستلقي خلي انشوف شغلنا
-وخررر مااريد اطلع
اباوعله شكله يخوف ونظرته قذرة سمر كلش وهذا حلكه جبير وشكلهم موطبيعي رجع يباوع لاماكن مو قانونية ويبتسم كال بس استلقي
شلعت السيروم ونزلت من السدية بسرعة ردت اطلع صار كدامي كال رجعي
-راح اشتكي عليكم اني مواطنة امريكية ودااتعرض للتحرش يمكم
-من امريكا
-اي وجايه سياحة شكوى وحده مني بالسفاره امحيكم واسد المستشفى بكبرها وخروااا عني خلي اطلع
واحد باوع للثاني مثل الخافوا كالوا لارجعي وهسه يجي طليب الخفر يجيك وضعج عافوني وطلعوا
ردت الروح بيه
فتحت الباب مالت الغرفة المستشفى جانت قديمة وقذره وناس امبينه تعبانه وفقيره شفت سستر اشرتلها اجتني كال اتفضلي
-فدوه اني هسه صحيت ولكيت روحي هنا منو جابني
رجعت ليورا قرت رقم الغرفة كالت دخلي خلي اقرأ التقرير مالتج حتى اعرف
الحمدالله كلهم يحجون انكليزي لوماهيج جان كملت وياي
دخلنه جان اوراق على السرير مشكلة شالتهن قرت كالت منين انتي
-اني مومنا جايه سياحة
-اي من دوله
-عراق
-تمام رجعي مكانج هسه اصيح دكتور المشرف على حالتج
طلعت رجعت مكاني دقايق دخلت وحدة ثانية وياها الدكتور سلم وقرا الاوراق كال حامل بداية الشهر الثاني عندج فقر دم وانخفاض بالضغط انتبهي على صحتج
-اكدر اطلع هسه
-لاالصبح اكتبلج على خروج هذا السيروم ليش شالعته اندار للسستر كاللها شكلي خلي يكمل وخليلها واحد ثاني اول مايخلص وقع وطلع
اجت شكلتله كلتلها فدوه منو جابني
-اثنين ولد كالوا لكيناها بالحديقة واكعة
-اهلي مااجوا
-لاللاسف لحد الان محد سأل عنج
-اريد فوني ماجابوا
