كفي والمنجمه
بقلمي: leo Alfatlawi
بارت الحادي عشر /ج2 /
كمت وكفت واشوف مصطفى دخل بسرعة جان كدامه مجانة دفرها سواها نصين وكمل طريقه
احس رجليه ماتت حتى بنتي بعد مااشوفها طلعت امشي بدون وعي وصلت قريب عالباب صار مؤتمن كدامي احس الروح رجعتلي ماصدكت ركض شبكته وشهكت حضني حيل وكال شكو بويه عليش البجي
-كالوا راح يكتلوكم
- اهااا منهو هذا الي يچتلنه بسج بويه كالها ورفع وجهي مسح دموعي باسني من راسي دخل مكرم گال وين هذا الطرن
-تركه ورواح يم الزلم وين جدي
-بالمضيف يمهم
-يلاروح انت هم خلي اشوف الهوسه الجوه والمأتم الناصبي شنهو
دخلت ابنيه امغشايه كال بويه اخذي اخيتج ودخلو لغرفة سماح
-منو هاي مؤتمن ؟؟
-سمااااح بويه اخذي اخيتج للغرفة
خله ايده على ضهري يدفع بيه لغرفة بيبي و سماح اخذت البنيه وراحت غرفتها
همس يم اذني شنهو خبل اعيد الغلطة امني يعلة كلبي
وصلنه غرفه بيبي دخل باس راسها كالها اشدعواكم يابه شنهو زعاطيط وهيج خايفين
بيبي- وانت اشوكت تركد يومية شامر روحك بموته شكو ويه ابو حسين السكير ولك
-ماكو النه مرة يمه جبانها واجينا
-منهو هاي المرة التحجي عنها منيلك مرة يم هذا السكير
-مرت مصطفى
-شنهوووو ولك يامصطفى ياع مؤتمن خلصت بنات الديره واخذت بت هذا شواش الديره
-لاجده مهره بنت الفلاح ابومهره الجان يشتغل يمنه
-ياع جاهاي الاجت البارحة جانت حتى تشمر مره عليكم هيج جان طلبها وانت وافگت بسرعه تركت بنت الشيخ واخذتوا بنت الخدم مالتنه
-استغفر الله جده البنيه يتيمه وصارت مرة النه بعد ممنوع واحد يوصل صوبها ويزعلها ابجلمه وروح ابوي الي اسمعه امسمعها جلمه اتخارب وياه
-اي يجده بعد امك عفيه بالزلم عفيه بشيخ العشره كبرت وصرت اتعلي صوتك
-اووو اشلون شغله هاي جده البت دخلت يمي دخيله وصارت بحماي بعد ممنوع احد يوصل ويحاجيها نص چلمه
كالها وكام راد يطلع اجت عمتي ام مكرم كوه تمشي لان صعد ضغطها ودوها للمضمد حضنها وباسها من راسها كلها شطلعت يابه هاي اشصاير وراي
-ييمه وكفت كلبي وراك جاهيج يمؤتمن اتلم اخوتك وتوديهم لاموت برجليك
-يعمه ياموت متكليلي ابوحسين هم مسمي زلمه وخايفين منه بربكم اشلون عقلتوها
