كفي والمنجمه
بقلمي: leo Alfatlawi
الواحد والعشرون ***
-شنو مافهمت شدا تقصدين يعني فهد هذا الولد صديق مكرم يريد يتزوجني
-اي خيه غير صارله كم يوم سابينه ينام يكعد يسولف بيج بس والله رايدج بالحلال ماحجه بشغلة موزينه بس كال روحي سأليهه بالاول واخذي رأيها ومااريد الجواب هسه خلي اتفكر براحتها
-بس اني ماافكر بالزواج ولاراح افكر اصلاً لان كرهت شي اسمة زواج
-انتي موش تجربة وحدة تحكمين على اثرها مااعرف ابيش مريتي من ظروف بس فهد شاريج دخلتي كليبه من اول يوم شافج بي وراح سأل عنج منهو انتي لان يعرف مكرم ماعنده بس اخت ومتزوجة
-فدوه سدي الموضوع مو وكتها واصلاً لاتسولفين ابد بهيج شي
-اخذي كل وكتج حبيبة فكري على راحتج لاتحجين هسه وهذا رقم نقالي خلي يمج
- ما أريده لان اصلاً ماعندي فون
-ياا اشعجب عود جاية من امريكا تالي نقال ماعندج
-يعني مو جايه من امريكا معناتها كلشي مسموحلي تره عادي حالي حالج وشي ثاني ميقبلون الولد يصير بيدي فون بس من اريد اتصل لوعندي شي اجهزتهم موجوده عادي ينطوني بس رقمج ما اكدر اخذه لان عيب يصير يم الولد
-اي احسن والله معدلين لان النقال مامن ورا بس المشاكل
-خلي نودي الاكل لان برد واسمعهم اجوي يمكن اتفضلي للغرفة بين مااصيح لمكرم
راحت للغرفة اشكد حشرية ولزكه اتكلها ثور اتكلك حلبه
مر اليوم واني افكر بفهد شنو شعور مؤتمن من يسمع بس والله حيل بي شنو شايف روحة خلي يموت بقهره العدة بعدها ماطلعت حصلت واحد حلو وكيوت
زين اني لويش ماافكر بغير مؤتمن يجوز هذا مو نصيبي وراح اكمل ويه غيرة
اعرف اجذب على روحي ومشتاقه لضحكته ولصوته مشتاقه حتى لتعصبه رغم ماشفت ايام ويا هواي حلوه بس حسيته مله گلبي بيها غصباً عني ياريت اخذ ويا شكو ذكرى بينا وراح
غمضت عيوني اشوف صورته داخلهن وصوته بأذني اتخيله بعده نايم يمي يحرك بأصبعه على الفراشه ابتسمت اني اعيد شريط اول مره شافها وگال منهو شايفها غيري
-مصطفى
-شنهو ولج
-لاوالله مشافها وين بس هو اقترح اكتب اسمك بيها وبعدين بس اخذت صورة للفراشة والله مابين المكان حتى ضحك كال الصقر اتحول فراشة شنو هالظلم
-غزل انتي هيج الله خالقج غبيه وثوله لو بعدين صرتي من صدمتج بعيشتنا
-مافهمت
