كفي والمنجمه
بقلمي: leo Alfatlawi
بارت السادس/ ج 2 /
مؤتمن. غزززززل انتي… كالها وصك على اسنونه عصر جف ايده وباوعلي مثل الواحد جان فاقد ورد لوعيه
مكرم- مؤتمننن خويه گول يالله اشبيك
-خلي يطلكني لويش اتسكته غير يريد يرد اعتبار الشيخ وهو زايده علي هاي العبده مثل نوعه
اني اجحي وهو دفع مكرم وهفني براجدي جرني من شعري كال ترحين تعتذرين
-لو اتموت انت اويا مااسويها
صك على اسنونه وكال هسه تعتذرين
-وروح بابا مااعتذر هاي مواني الي اعتذر غلطان
جرني مصطفى بسرعة خلاني وراه كله هدي يخوي
مؤتمن مسح وجهه وباوعلي بتعب اول نظره تصير بينه بعد هذا الفراق دمعت عيوني دنك فرك راسه
الشيخ- عرفت مگدارنه يمك يا شيخ عشرتنا بس هاي ماامرجيه منك هيج بتنه تنطگ وننسب ومتاخذ حكنه منها
-حكك على راسي ابو يسرى انت فصل واحنه نلبس
-طلبت منك طلب اشو رديتني جنك تفضل حرمة على الرباك وكف بظهرك كل هالسنين
-شيخنا …
-لاتكمل تغيرت يبني چثير وين صكر الجنوب الجان الديره كلها تحلف بأسمه هسه بت بكد افروخه ماكادرلها
-انت كلتلها ابكد بزري يعني طفله ماتفهم امسحها بوجهي وحكك يوصل لباب دارك
-حكي مااريدنه تعرف شنهو الاريد لاتغشم روحك وهاا لمصلحتك بس جنج تغيرت موش ذاك الزلمه الربيته وكمشته ديرتي مع الاسف
اندار على بته كالها يلا يبوي بيت ابوج اوله بيج
دعاء- لابويه دخيلك ابوس رجلج مااريد اعوف بيت زلمتي خليني ربي يخليك
-ام يسرى لفي بتج ويله الج خمس دقايق ادخل اخلي الجيله براسج وانت تطلج بتي ماراد نسبكم
-كوووول ياالله ابو يسرى شنهو تاخذها غير حرمتي تاخذها من غير رضاتي وين صايره
-اي اخذها بنتي مااشوفها تنهان واسكت من اجيت طلبتها ودكيتلي صدر تصونها ذاك الوكت حسبتك زلمه ولبالي گد جلمتك
-الموش زلمه متنكال الي هاي جبيره بحكي بس---
كاطعته وكلتله تره موهو طلبها ولادكلك صدر نسيت من اجيت شمرتها وكلت حتى مهر مانريد شنو تجذب الجذبه وتصدگها
باوعلي بغضب نكث عبايته اندارلي مؤتمن عرفت روحي راح انضرب كمشت ظهر مصطفى حاوطني من وره بديه صاح يابببه اهدوو شمالكم وياها
