كفي والمنجمه

بارت السادس

كفي والمنجمه

للكاتبه leo Alfatlawi

بارت السادس

اشر وين وكفت  من الخوف اريد اجاوب مااكدر ضليت بس صافنه  اباوعله جان هادء بس هذا ميمنع انو راح يعتقني كال وين موش احجي وياج

-هااا اء هنا

-شنو هنا اشبيج عليش مغيره ملابسج وين تردين

-اء بالغرفه بس ضجت غيرت ملابسي

-بويه بيج شي احجي شنهو صاير

بعدني استوني اريد ارد ولو شنو ارد واني مااعرف حتى احجي دخلت سماح تركض كالت يلاااا بس اتفاجأت من شافته وكفت متبنجه گدامه رد شنهو الصاير  وين تردين بيها

- اااا نطلع للمزرعه

-همم للمزرعه كلتلي تمام سماح طلعي اريد احجي ويه غزل

-اي اي طالعه

ركضت وراها كمشتها همست وين طالعه ولج اخذيني وياج

-وين تاخذج وياها انتي ثوله شنهو عاملات كالها وسحبني من ايدي رجعني 

-مال اتقنعني ماعاملات  مصيبه خلي اتولي احجن

-كلشي ماكو بس اريد اطلع ويه سماح حباب

-غزززل عليش اسمع من غيرج احجي بويه

هزيت راسي ماكو

-تمام سماح طلعي بويه وانتي رجعي مكانج يله
كالها ودفعني شفتها طلعت رجعت كعدت مكاني  بس اراقب تصرافته عرفته مادره اني وره الشغله لان لو يدري جان علكني من شعري موهيج يحجي بهدوء ؛ اباوعله سد الباب واجه كعد مقابيلي يم ميز المرايه اول شي جان بس يباوع لوجهي اخذله ثواني اخذ نفس وكال -راح اتزوج

-ااهااا

-شنهو اهااا اكلج راح اتزوج

-يعني ماماتت

-منهو الماتت؟؟

-تهاني

-وانتي شدراج تهاني متعارضه

اشوفه كام واجه يمي  جان مضيك اعيونه ويباوعلي بشك  اني ضربتها ويا صفنه دنگ عليه وكال اي اسمعج كولي شعرفج تهاني مريضه

-مو مو شفتك الصبح اتخابرهم وطلعت تركض

-همم  بس اني طلعت بليل موش الصبح

-هاا اي قصدي هو قبل الصبح ورحت لعمتي سألتها

-عمتي متدري من طلعت جنت بالديوانيه

-هااا اء

-امم كملي.  غزل شعامله يامصيبه تحفيني اسمعج

-كلشي ماسويت متشوفي بالغرفه محبوسه

- ولكعبه لو احبسج بقوطيه هم اتسويلج اطلابه بت فريال 

-ماراح اسويلك مصيبه لان حطلكني قبل لاتتزوج