كفي والمنجمه
بقلمي: leo Alfatlawi
بارت الثلاثون ***
مااسمع صوته عرفته متفاجئ مايعرف شيرد اخذ شوية وكال روحي لسماح وحاولن تحلنها انه قابل شعمل هذا حجي حريم
-صدگ تحجي
-اي صدگ يمه دخيل الله نزلي ودبريها من يمج لاتخليها تطلع اذا ماتسدن السالفة فشلة من الشيخ وانه شوية واروحله
-وينها هاي المكموعة شو تكضها وجيبها ليه خلي اشفي كليبي بيها راح تفضحنا جدام العالم
-هاي شغلها يمي دروح حليلي الجوه استغفررر الله
ماسمع شنو ردت بس صوته وهو يصيح دخيل محمد روحي يمه صفنت اشلون فرنها عليه
سد الباب قفلها واجه بسرعة للحمام لميت روحي عرفت مابيها مجال اليوم يموتني استوني ادعي عساها بختج تهاني اشلون قذره ومااحس غير الدفره اجت بالباب من قوتها انفطرت على طولها صاح فتحي احسن مااجسره ودخل اخذ روحج غززززل هو كالها ورجع دفرها مره لخ
اباوع للباب يمكن بعد مااطول غير ضربة تنشلع
لميت روحي صوتي ماطلع بس ادموعي تنزل ادري اذا كمشني راح يجرم بيه رد دفرها وصاح فتحييي
- مؤتمن والله موياهه حجيت ويه تهاني ذني جذابات
-غززززل
كالها ودفر الباب حسيت رجله اجت بظهري كمزت من مكاني
صاح بصوت رج المكان ورد يدفر بكل قوته
ادنيت كعدت يم الحايط اباوع ماضل شي ويطك القفل
لميت رجليه لحضني دنكت منتظره اشوكت تنكسر ويدخل يكمل كتله اعرف ماراح يرحمني هالمره عرفن اشلون يسونها فضيحه ويذبنها براسي ويخبلنه لان ماسمعن صوت ضربني عالمشكله الاولى
دنكت انتبهت لروحي انزف عصرت روحي بس لاحامل وهم سقطت
احس جسمي كله كام يرجف بلحظه افترت بيه الدنيا رجعت راسي عالحايط غمضت اجه بالي من سقطت شنو سون بيه
كلبي دك حيل وشفايفي يبسن من الرعب لان ادري هالمره اموت حتى طاقه للتحمل والمقاومه بعد ماعندي ؛ من الخوف احس بطني لوتني
كمت يم الباب شاف خيالي من وره الجام لباله راح افتح بطل ضرب همست مؤتمن الحكني دنزف وشهكت
- فتحيها غزل
رجعت كعدت لازمتني الرجفة مااعرف شسوي اخاف اطلع انكتل واذا ابقى مااعرف شيصيرلي
دگه عالكيفه صاح غزل بويه شصابج فتحي الباب
لميت روحي وبجيت
-غزل بنيتي فتحي
-حتكتلني
-وحگ علي مااوصل صوبج فتحي غزل بسرعة بويه لايصيرلج شي
