كفي والمنجمه
بقلمي:leo Alfatlawi
بارت الثاني والثلاثون ***
-شنهو حرمة منهو اكيد تسودنت ولك تزوجت عليه
-عليش اكو اعتراض حالي حالي العالم الباقيه تزوجت ماعملت شي غلط شو بعدي عن وجهي اريد اروح لجدتي
-يبووو ولكم الحكونييي ولك مؤتمنننن تعال شوف اشعمل بأختك الماعنده رجوله
-منهو ولج الماعنده رجولة من انعل اصلج اليوم شنو تعاي اريد اراويج الرجولة اشلونها
رجعت ليورا لان راحلها حامي جرها من شعرها دفعتي بعدها ماغالطة وهو تولاها كتل
عضيت شفتي حيل بعد اختك حيل هيج كون تبرد كلبي اباوعلة كل ضربة يضربها يصلخ جلدها وهيه كل صرخه تكعد الميت من كبره
طلعوا على صوتها من غرفهم يردون يفكوها من ايد احمد محد كدر طلع ضيم اسنين بيها لمن نزل مؤتمن شال احمد وشمره على جهة
كعد يم اخته شال راسها جان امنهيها كالب خلقتها بنفسجي الكاع انملت دم كامت تنزف شافت روحها هيج صرخت الحكني يخوي راح اموت
صاح السويج فوك غززززل ركضي جيبي كالها
وشالها طلع يركض بيها
بين ماصعدت جبت المفتاح ونزلت لكيته ماكو ماخذيها بسياره احمد وعمتي تلطم ماخذوها مالحكت تلبس عبايتها
البنيه واكفه على جهة ضحكت رحت يمها سلمت عليها كسرت كلبي واكفه خايفه ذكرتني بنفسي اول يوم ادخل هذا البيت اشلون غريبة واريد احد يكمش ايدي كلتلها لاتخافين راح تتعودين
-خطيه طگها حيل مو
-تستاهل تره هاي حيه لاتكسر خاطرج راح تتعرفين عليها وتخليج اطفرين من الخبث مالتها
-اخافن صار بيها شي بسببي
-كون الله صدك ويصير شي بس هم لاتخافين عار هسه ترجع تعالي وياي لغرفتي لان الاجواء ماراح تعجبج
اخذتها صعدنا فوك لكيت تهاني استوها تريد تنزل كالت شكو شنهو هالصياح وهاي منهو
-الصياح ياحبيبتي احمد كتل رجاء لمن طلع الطفل منها
-يمه اصخام وينها هسه
-ماتت خطية اخذوها يدفنوها وهاي مرت مؤتمن الجديده لان طلكج من البارحة بس مارضينه نكول كدامج خفنا عليج بس بعد مانكدر انضم اكثر البنيه جابوها اهلها كالوا تريد رجلها
-شنهو يبوووو لحكوني ولج يمممممه تعالي لييييه
-عززا صوتج شنو اول وحده تطلكين
-ولج غزززل لحكي اجتني الطلوكه يبووو
-عززا خطيه انصدمتي شوف كلتله المؤتمن مو وكتها هسه خليه يله باالله هسه هم تموتين مثل رجاء
