كفي والمنجمه
بقلمي: leo Alfatlawi
بارت التاسع/ ج2 /
اريد اتحرك مااگدر واني اشوف الجداحة بيدها جمدت مكاني همست بترجي- رجاء عقلي اني شنو ذنبي اتحركيني
-انتي السبب دخلتي البيت گلبتي حياتنا اخذتي گلب اخوي خليتي مايشوفني بعد دمرتيني
-رجاء انتي دمرتي روحج اني مالي دخل وياحب دتحجين عنه روح شوفي المن اخذ وشلون ديعاملني
-هههه ضحكي على روحج بهالحجي اخذتي منه وصاراج بيت وجهال وسواج شيخة على روسنا
وانه شنهو انه اطلكت وراح ابني واتمرضت وهسه حابسني حالي حال الحيوان باع خوتنا لخاطرج احرك كلبه مثل ماحرك گلبي واخلي يبجي مثل مابجاني اي ابجي ابجي ماكو شي يبجي غير حركج انتي
-رجاء اثنينه حنحترك فدوة بطلي واني اكله يتركج ولج الباب مقفولة اذا احتركت الكاع منطلع منا بسلام نموت اني وياج
-اموت اموت ميخالف بس اشوف كلبه محترك وراج اي يموت وراج راح يموت محترك كلبه اي اي يموت متعذب
الباب تندك وصوت حبيبه اصيح فتحي غزل
وهاي تحجي بهسترية مثل الفاقدة عقلها شكلها يخوف شعر ماكو ومضروبة ضرب ماباقي شي بيها صاحي كوه امسيطره واكفه على حيلها تضحك وتبجي بنفس الوقت
خفت اتقدم و اطلع لان واكفه قريبة على الباب والكاع كلها نفط بيدها الجداحة شاعله نارها
صحت حبيبة لحكينني ورجعت ليورا خايفة يلوحني النفط صرخت لاتتحركيييبن ودنكت على الكاع شعلتها
ماصار كدامي بس الحمام ركضت بي واسمعها صرخت صرخة رجت الغرفة
انداريت لكيت النار كامشه بيها من نهاية كلبيتها اجت تركض اتريد تكمشني دخلت للحمام
دفعت الباب وتصرخ ماعرفت اتريد اطفي روحها لوتسحلني للنار الي اخذت الزولية كلها
ضليت ادفع بالباب كل قوتي لمن انسدت قفلتها بسرعة
اصراخها ترس الغرفة عرفتها اشتعلت وصوت حبيبة الي خبصت المكان تصيح الحگ يا مؤتمن غزل احتركت
مااعرفت شسوي كمشتني الرجفة واصواتهم زادت خوفي
انداريت شفت المنشفة مالت مؤتمن
ركضت سحبتها من التعلاكة فتحت البوري مال الماي ركضت للسخان طفيته وفصلت الكهرباء
غطيت منشفة خليها جوه الباب مال الحمام سحبت وحده لاخ هم غطيها بالمي وخليتها على خشمي
وفتحت الشباج المطل على الخارج من فوك اريد الدخان يطلع بين ماينقذوني
كلهن بثواني سويتهن وصوت رجاء الي اتحول صوت مرعب من الالم اباوع النار من جامة الشباج الباب داتاخذ الغرفة كلها
