كفي والمنجمه

بارت الخامس عشر

كفي والمنجمه

بقلمي:  leo Alfatlawi

بارت الخامس عشر ***

بعدها تحجي و اندفر الباب دخل مؤتمن -صاح عممممه

-يعمه لحت گلت اريح كلبها

-وترحين كلبها بهاي الطريجه ابوها اشلون انچتل وروح عمي اول ماوصلت وگالوا عمتي يم غزل عرفت السالفة شنهو

-يعمه هيه كبرت وهم من حقها تعرف اشلون مات لحدمن نضل ظامين هالشي

-عمه عممممه شي اذا اريدها تعرفه انه اكلها بي من اتجي تطلب منج معناتها مااريدها تعرف

-يله يعمه بكيفك امسحها بوجهي لاتگدر روحك وانتي هذا رجلج تردين  تعرفين شي بعد لاتجيني كليله لاتوكعين بمشاكل وياه يله وخري من جدامي

عافتني وطلعت واني عقلي يضرب اخماس بسداس شنو مؤتمن وماما 

سدت الباب اباوع لمؤتمن واكف بكل برود ينزع بساعته كمت رحت وكفت يمه كلتله -مؤتمن انت كتلت بابا

-شنهو ولج

-عمه كالت امج ومؤتمن

-وانتي چلبتي  بمؤتمن اخاف امعوزه اطياح حظ  سالفتي گلتي اكملها

-لعد شنو انت وماما

-غزل بويه عوفج من هالسالفه الماوراها غير وجع الراس ابوج الله يرحمه راح لدار حقه

-اشلون مات

-انجتل

-منو كتله

-لخاطر  ترتاحين ولاتضلين اتزنين يم راسي ابوج انتحر وجنه اني وامج الشهود

-لويش انتحر وتركنا وهو يحب ماما

-استغفر الله هاي منين اجتني المصيبه  يابه محد يعرف عليش انتحر هيج صبح بي حاله نفسيه وطك روحه ونص حجايه بعد مااريد بهذا الموضوع اذا هيست حسج اخليج اتلحكي

اخذ المنشفه وراح للحمام يسبح  وكفت صافنه  اصلا ماامصدكه بلي گاله  لويش انتحر  وهو جان ميت على ماما شنو الصار خلاه يخطي هيج خطوة شنو الشافه وحس بي الي هيج نهى  حياتي

كل يوم اكتشف مصيبه جديده بهذا البيت بعد شنو ضامي كعدت عالكرسي وحيلي مهدود ضايعه مااعرف منو اليحجي صدك ومنو اليجذب

طلع من الحمام لاف منشفه على خصره وينكث بشعره جسمه كل اثار مال اخياط ابمتنه وحده وبطنه وهاي حديثه وبزنده وحده وبضهر هذا اشكد مضروب وطالع منها صدك من يكولون عار هسه شفته اكبالي

مشط خله عطر واندارلي عاكد حاجبه لان مامحضرتله ملابس اشرلي اطلعهن اله

كمت للكنتور طلعتله بنطلون وقميص وديتهن اله اخذهن

-بعد فانيله لاتستغبين انتبهي

-موغبيه بس نسيت

-عقلج شغلي وشيلي الافكار السوده من راسج