كفي والمنجمه
بقلمي: leo Alfatlawi
البارت الثالث عشر ***
ثارت الطلقه بي لوثارت ابنص كلبي نزلت مثل المخبل اركض وصلت يمه لكيته ياخذ الانفاس الاخيره شلت راسه خليته ابحضني
-مؤتمن مؤتمنننن خويه لخاطر محمد لاتعوفي خليك وياي
همس كوه تطلع الجلمة منه اريد اركز شنو يحجي مافهمت بس العرفته غزل وسكت
-اي اجيبها الك افتح عيونك لاتغمض بداعت الخوه
-مارد ابتسم وسد عيونه
-ولك مؤتمنننننن والله اردلكياها لاتموت ولكمممم اخوييييي راااااح لحكونيييي
اصيح ابعلوا صوتي اريديهم يشيلوا احسه اخذ روحي موغمض عينه لوعيني المغمضه ولاهو حسيت كلبي شلعه وطلعه من بين ضلوعي
وره ماضربوا بلمح البصر اخذ الفلوس سياراتهم وانطلقوا اريد احرك روحي مااكدر حسيت بضعف
ضليت افر براسي سيارتنه عطلوها احتاريت شنو اسوي اتخبلت
كعدت بالكاع يمه وصافن وين اوديك لك مؤتمن وين شنهو اسوي ولك كوم كلي
لك خويه اني بلياك كلشي ماكو
تعرفني اثول لاتعوفني اضيع بدونك كوم لخاطر الكعبه گوم ولكمم ششوفولنه سيارررا
-خابرنا الاسعاف هسه يجون
-اذا انتظر الاسعاف يموت ولكم سيارة لخاطر محمد ولكممم مااااات
شفتهم مامنهم فزعة نزلت راسه بالكاع وكمت بسرعة لزمني واحد منهم
-وييين رايح ولك احنه بمنطقة مقطوعة لاتتهور انوب انفقدك انت الثاني
-انعل ابوك لابو المنطقه بعدددددد عنيي دفعتة ورحت اركض والتفت لاخوي خايف افقده المسافه اشبعدها صارت اركض بس صحراء رجليه بعد متعيني اكثر من نص ساعه واني على نفس وضعي ماكو اختفت السيارات احس حيلي خلص ماعرف تعب لو وجع روحي شلت حركتي اباوع داير مدايري ماكو اي حس سياره ولابشر انداريت لمؤتمن صار بعيد عني حتى مابيه اردله أيست كعدت بالكاع
عرفتها انتهت بعد ماالحك عليه راح اخوي
اخذت نفس ورجعت كمت اركض مثل المخبل ماعرف وين رايح شفت سياره من بعيد ضليت اركض واصيح بكل صوتي ردته بس يوكف هوست صرخت بصوت عالي اشوفه يبعد واني اصرخ
ابننننن الكلب ولك عليشششسش متوكف وولك راح يموتتتتت ارجع انعل اهلككككك لك ابن الزفررررر ارجعععع ولك ماتتتتت ارجع لخاطر الله ارجععع ولك ارجع راح اخوي كلتها وكعدت ابجي
وانه مابيدي شي اعمله عاجز اشوفه يموت كدامي
خليت راسي بين رجليه وانوح مثل نوح النسوان
اتخبلت فقدت كل احساس مااعرف شسوي
