كفي والمنجمه
بقلمي: leo Alfatlawi
بارت السابع عشر ***
هو شگ الثوب واني حسيت روحي انتهيت احتاريت اشلون اخلص روحي ارفس وادفع بيدي دموعي نزلت تترجى يتركني بلحظة سريعة دفعني حيل انشمرت للجهة الثانية وهو ركض للبالكونه طفره
صرخت بعلو صوتي مؤتمنننن
كميه الرعب الحسيت بيها جانت كافيه بموتي
بديت اصرخ حيل اريد احد ينقذني منه اخاف يرجعلي
اندفرت الباب ودخل مؤتمن يركض شافني بالكاع ملخه ملابسي وحالتي تعبانه وكف متفاجئ كال اشصابج
مااكدر ارد بشي اشهك واشرله على البالكون اندار شافها مفتوحة ركض دخل بيها سمعنة ماطور شغل رجع يركض للكنتور فتحه على السريع وطلع سلاح راح للباكون يرمي
على صوت صراخي والضرب دخلوا للغرفة صوت مكرم بره يصيح شكووو لان مايكدر يفوت لغرفة نومنا وصوت جدو جوه هم يصيح على الولد
مؤتمن مستمر يرمي احس روحي بهتت كعدت مابيه اتنفس
دقايق ونتهي صوت الرمي رجع دخل باوعلي بس ماحجه ولا كلمة كمش الباب مثل الحيله انهد كوه وصل للكرسي كعد ودنگ خله راسه بين اديه جان كامش شلاح بوحده من اديه والثانيه ضاغط عليها
عمتي تصرخ بوجهي اشعملج ولج
واحمد كعد يمي سماح تسد بملابس اريد احجي مااكدر بس ارجف لمن صرخت عمتي -ولج احجي يمصخمة اشعملج
-ماسوالي شي بس ملخ ملابس وشمرني
احمد -جذااااابه ماعملج شي وانتي مصلخه اشلووووون
لميت روحي وضميت راسي بين اديه كال منهو هذا احجيييي
-مااا مااعرفه والله حرامي
-بت الكلب حرامي ميدخل غير يمج
-ماادري احمد والله ماادري
بعدني احجي ودنگ كمشني من شعري سحبه بيده حيل - غززززل ورحمة ابوي اذبحج احجي منهو
-اريد احجي مااگدر كام مؤتمن سحبه ودفعه كنبص كدامي حجه بهدوء اشعملج
-والله مسوالي شي بس خنكني وملخ ملابسي
-اخذ شي من الغرفة
-مااعرف اني كعدت سمعتت طكطكه فتحت عيني لكيته يم راسي خنكني وبعدين عافني
-اشلون دخل
-مااعرف يمكن من البالكون
-البالكون مينفتح بس من جوه اشلون فتحه
-مؤتمن والله ماادري يمكن من بره
-بابج مسدوده والجوه كله مأمن اشلون وصل غرفتج
-مؤتمن لويش هيج دتحاجيني لعد شعرفني اني
- خير ان شاءالله كالها وكام يمسح بوجهه مثل الماامصدك اباوعلة كل عقله هذا
