كفي والمنجمه
بقلمي : leo Alfatlawi
بارت الرابع والثلاثون ****
صوت الرمي بالجو ومؤتمن يصح وين انتتتتم مصطفى ولك وينك منهو ذووووله
- بشارع المزارع ما اعرفهم سيارتينن
-جايك خليكم عالخط وياي مصطفى حاول اتخلص روحك يخوي خلص ررروحك
-مااكدرررر محاوطيني
-لاتكدررر يخوي اعرفك سبع لاتنطيهم روحك مصطفى بداعت امك لاتنطيهم روح ولككك اطلع حتى لو رموك لاتوكف
-وللللك ماااكدرررر ماااكدرررر الحكني يخوووي
-جايكم جايكم
اسمع صوت مؤتمن يركض ويصيح للولد الي يمه صوت سيارته شغلها واحنه على نفس السرعة
الطريق مو نفسه ذاك القريب صار اشطوله مااعرف همه ماينطوا مجال ماعرف الخوف خلاني هيج احس
مؤتمن جان يكله شيسوي ومصطفى يردد نفس الكلام مااكدر ولك مااكدر محاوطيني بس مرتك الحكها مالك شغل بيه
من كثر الخوف لامه روحي جوه الكشن بس دموعي تنزل بدون صوت عاصره جنطتي بحضني واباوع لمصطفى اريد اسيطر على شفايفي من الرجفه ماگدر لمن شحطت سيارته وصوت ضربة من قوتها زاحت السيارة
بسرعة غمضت و ضميت راسي جوه الگشن گوه سيطره وگفها قبل لاتنگلب بينا مالحك حتى يسحب سلاحه
كلها بثواني طوقوا المكان وفتحوا الباب سحبوا
الي صوت صراخه رج المكان وهو يتلاوه وياهم يريد يحرر نفسه
من كثر ماخبصهم حتى مانتبهولي بس رادوا يسيطرون عليه ؛ مؤتمن سكت من سمع الهوسه ثواني وهمس بصوت ناصي غزل راحوا لوبعدهم
-لااخذو مصطفى راح يكتلوا كلتها وشهكت
-غزل صوتج اخذي المفتاح من السيارة لاتخلين احد ينتبهلج قفلي الابواب بسرعة
-بابه مفتوحه ولك راح يكتلوا
-غززززل غزل اهدي قفلي الباب الي يمج اول وسحبي المفتاح خلي ايدج على الدكمة اول ماتسدين بابه ضغطيها بسرعة غزل بروح ابوج استعجلي
سكتت لان ماكدر اتحرگ
رد حجه يتوسل صوته يرجف غزل دخيلج بس يكضوا عدل يردولج بنيتي لاتموتيني وراج
سحبت نفس وخليت الفون يمي و كمت على كيفي مديت روحي واقرا ايات مو باب صارت اشبعدها عليه سحبت المفتاح على كيفي
بس صوت مصطفى جان الياكل بكلبي يصيح يريد يعرف على شنو يضربوا وهمه متولي بلا رحمه
ماكدرت اباوعه خفت مديت ايد على من جوه لحت السحبة مال الباب سحبتها بسرعة ودست الدكمة مثل ماكال وصدگ اتقفلت السيارة كلها
