كفي والمنجمه
leo Alfatlawi
بارت الرابع***
باوعت لعمتي لطمت على وجهه وطلعت ورا ضليت كاعد متبنجه مكاني حتى عقلي توقف عن التفكير عيني بالباب منتظره اشوكت يوصلي اخبار سيف مكتول
صارت هوسه اسمع صياح بره لااكدر اطلع ولااكدر اضل ؛مرت اكثر من نص ساعه صار هدوء بعد ماتحملت اصبر اكثر كمت فتحت الباب اباوع اريد احد يمر اسئله ماكو
انتبهت عمه واكفه يم باب البيت الرئيسي اشرتلها بس متشوفني اخاف اصيحلها ويسمعني واني مامعوزه ورا الصار تطلع عليه سالفه ثانيه
دخل احمد دخل للبيت بسرعه سديت باب الغرفه ورجعت لفراشي الوقت يمر بس مااسمع شي صار اشويه امنت
انفتحت باب الغرفه كلبي وكف لبالي مؤتمن انداريت شفتها سماح كمت بسرعه كلتلها شنو الصار
كعدت يم الميز على الكرسي رحت كعدت يم رجليها اريدها بس تحجي اباوعلها بتوسل فدوه كولي شنو الصار
-غزل لوما يدخلون المنطقه والاهل جان انكتل سيف وراح بيها مؤتمن
-يعني مابي شي راح
-لو ماسكران وميدري بروحه شنهو جاي يعمل ميعوفه مؤتمن ولج گلب الدنيا هنا فضحنه بيده سلاح ويضرب بالجو زين ماكتل واحد من الولد فزع الديره علينه
-هسه يعني راح
-اي بعد مااكله كتله معدله من مؤمن
-يااعزا العزاني لويش ضربه
-ولج فضحنه يبجي ويكلهم اخذ عمري هاي ربيتها على ايدي واخذها عالحاضر لو ماالناس الخيره تدخل جا ذبحه مؤتمن
-الحمد الله خلصت على خير بس مؤتمن هسه شنو وضعه يعني اشلونه معصب لو عادي
-لاهسه يجي حضنج ويكلج مشتاقلج يبعد عمري
-عيع تره مدااتشاقه كولي شنو ديسوي
-مااعرف بالديوانيه ويه الولد
-اكولج اريد اغير ملابسي فدوه احس النحس اتلبس بيه من لبست هذا القميص
كامت راحت اتجيب الغراض الجابتهن عمتي اني رحت للحمام اغسل وجهي بعد هالصدمات الي اتولني وحده وره الخ طلعت لكيتها جايه دخل بالغراض ؛ خلصت كالت ذني الردتيهن تره اني شريجتج موش اختج لااتضلين ادكين اسوالف وياي وتتطلبين
- خلي تخلص المشاكل وانوب انبلش مشاكلنه
- اي والله صدك موش وكتها هسه يلا خلي اروح عندي شغل وانتي غيري
راحت وسدت الباب وراها كعدت يم الغراض وبالي بمؤتمن شنو حيسويلي من غير شي هو اشلونه وياي وادور هذا اجه كملها وفضحه هنا اكيد هسه يطلعها بيه عزا هو اني بعدني من البارحه اللوج من الالم واكيد مؤتمن هسه يكملها بضربي ماكو غيرها اكلي كتله اتحمل واسكت
