كفي والمنجمه
للكاتبه leo Alfatlawi
بارت الخامس ***
فتحت شيلتها وشالت اديها تريد تدعي
باوعلي وكام على السريع كمش اديها
-يمه دخيلج موش وكتج لاتزيديها اطلكها ميخالف بس موش هسه لاتفضحينه چدام العالم هاي بت عمي محسوبه عليه
-ولك مؤتمن ربيت وكبرت تاليتك لبنت فريال عليش ولك يمه تحرك كليبي نسيت عمايلها بينه
-لامانسيت بس صار شي اقوى مني وروح عمي وراسج التردي يجرالج لاتگدرين روحج
-طلگها
-اطلگها بس انطيني مجال اشويه مصار كم يوم عندي راح يطلع حجي بالديره وشماتي اچثار ماراح اخلص لخاطر محمد لاتعلين كلبي اكثر ماهو معلول
-جا وانت شنهو العملته ماعليت افادي
-ادري يمه ادري كارهتها وادري عملتها ماكو شريفه تعملها بس صارت وغصبآ عني مااگدرت احلها غير بهالطريچه
-لاهذا جدك الخلاك تاخذها اعرفنه يحب معتصم ورادها بس ترجع بنته
- لاموجدي صارت سالفه ولميتها
-اكيد فريال وراها والاماكو مصيبه اذا مابيها ايد خوهيه ميته هسه من الفرح من اخذت ابني مني
-يمه تره غزل اخذتها غصباً عنها جبتها من بين عيونها تركتها اتنوح وراها
-عساها ظلت عمرها تنوح وماشافت الراحه شوف يمؤتمن هاي مره متصيرلك واذا لكيتك واصل صوبها انت موش ابني
-ماراح اكربلها
-يعبر شهر وتطلگ واتخليها بس للخدمه متردها لمها
-سهله ميكون خاطرج اله طيب تامرين على راسي
راح باس راسها واخذها وطلعوا واني تكول ماموجوده يمهم من يحجون غير بشر ذوله صدك ماكو احساس اقلها حسبوا احساب مشاعري جبتوني مناك وطلكني من رجلي وهسه يريدني اخدم
والله من فدوه اروح لماما على عملتها بيهم حيل بيهم بس حزت ابنفسي كلام مؤتمن يعني لان ماعندي احد هيج يسوي بيه ابكيفه يزوج ويطلك ماحاسب احساب لامشاعري ولا الگلبي اتكول حيوان وبكيفه يقرر مصيره
كمت مسحت ادموعي على شنو ابجي ميستاهلون دمعه مني واذا طلكني شنو اصلا اني اتمنه يطلكني يوم قبل باجر هم حاسبين روحهم بشر ذوله حتى الحيوانات هم ارحم منهم
اخذت نفس هدأت روحي حرمات اضوج نفسي لخاطر كلامهم وفرعنتهم اعرفهم ناس ماعدهم مخافة الله هم اني ثوله هيه امه اتكول سعلوه وشايله خبث بس الله اليعلم اشكد واني اكول عليمن طالعه رجاء
لكيت غتره مكرم يمي اخذتها وخليت شال على راسي خفيف بس اشلون اخلي ثابت مااعرف اخلي منا يروح منا يلا المهم ميحجي موجود
