كفي والمنجمه
بقلمي: leo Alfatlawi
بارت الثالث والثلاثون/ ج2 /
جانت الضربة القاضية من سمعتها كالت لا بابا لاتجي هو باسها وهيه سكتت هياتها دتضحك ويا
بعد هالكلمة ضليت كاعده ما گدرت اتحرك اخذ الفون سيف ضحك كاله اشلونك ابو غزل
-هلا والله لا عليش اسلم من النقال هسه جايك وسلم وجه الوجه
-لالا تزحم روحك كافي الفون بس اذا حاب تشوف اطفالك لاما اعترض هلابيك بيتي واني متانيك تلكيني بالباب
-كونك تطلع زلمه وتكون كد جلمتك
-ههه وين اروح قابل غير هذا بيتي تره اطفالك رابين يمي مو اني يمهم وياريت تجي من وكت لان الضحى اريد اخذهم واطلع بنوتاتي ضايجات
-مسافة الطريج ماتأخر انتظرني كالها وغلق الفون
هو يحجي واني احس روحي ميته نبره صوته كافية تعبر على الي بداخله والي ناوي يسوي
ضحك سيف كال اشبي رجلج صدك يحجي
-شسويت عزا العزاني سيف هذا يكتلنه سوه بدم بارد
-شنو بابا تايها اشبيج اصفريتي انتم مو انفصلتوا بعد شكو ماله حق يحجي خلي يفتهم انتي بعد صرتي حره ماتابعه اله من حقج كلشي تسوين
-وين ماما عزا العزاني اني اشسويت بروحي وين اروح هذا اذا راد يرحمني كلش يذبحني
-لويش هيج خايفة ترة كولشي ميكدر يسوي وخلي يحمد ربه لحد الان ضاله بدون علاقة
-ولك انت صاحي هذا مؤتمن تعرف شنو يعني الخبل اعقل منه سيف الله يخليك كوم روح لفندق لبيت صديق وين مجان بس اطلع اذا اتعزني صدك كوم
-تره ميخوف جلبي هذا اشبيج بنتي هذا واحد بوخه بايع رجوله هناك يم بيته مو يمي
شفت الحجي ميفيد ويا اني البيه كافيني وهذا مستهزء كمت ركضت صعدت ليفوك ماكو غير اخابرهم يلحكونه
دخلت للغرفة اركضت للفون اتصلت بسماح هو يرن واني اكل بأضافيري الف شغله براسي اعرفه ماكو براسه غير فكرت رجعت لحضن سيف مقابيل رجعت دعاء لحضنه ؛غمضت تخيلت من ضرب فهد طلقة بس لان حجه وياي نكثت راسي اباوع للفون ماكو رد لان نايمة
رجعت اتصلت هم رن قبل لاتخلص المكالمة ردت بصوت ثكيل كالت ها غزل خير
-ولج لحكيني بمصيبة اني
-خير يارب اشبيج
-وين مؤتمن ؟؟
-يم دعاء اليوم
-فدوه كومي شوفي الله يخليج بسرعة شوفي نزل لوبعده
-اي كايمه بس احجي شنهو الصار
