كفي والمنجمه
بقلمي : leo Alfatlawi
بارت العشرون***
هيه تحجي واني احس روحي ضاعت يعني هدم حياتي وجابني مناك شمرني هنا وهو راح يبني حياته
جان احساس مختلط خذلان على خيانه على كره مااعرف شنو بس اتندمت بيوم ثقيت بي حبيته
هيه تحجي ومصطفى يرد علها يكلها يااجنبي ولج هيه دبي وهسه يركعوكم دفره بالباب عفتهم يحجون وكمت مؤتمن باقي على وكفته عينه بيه راد مني اي رد فعل
اشكد اتمنيت اطلع غضبي بي بس ميستاهل اضيع دقيقه من وقتي ويا بالكلام دخلت للغرفة سديتها وراي
يعني صاحولي علمود اسمع انو راح يسافر واني شنو لويش هيج سوه وياي
لويش دمرني شنو السويته وهيج يكون جزاتي مااذيته حتى هيج يجازيني شنو وضعي هنا ابقى
دكت الباب عرفتها سماح وهو دزها هم لباله مثل كل مرة اتقنعني كم كلمة الله ينتقم منك
يجي يوم اخليج تبجي مثل مابجيتني راح تندار الايام مؤتمن
رحت لفراشي اتغطيت حتى راسي اريد اكتم بجيتي مااريد احد يسمعني
خليت راسي بالمخدة وطلعت القهر الي بكلبي كله عضت اديه لمن طلع دمهن ماجنت احس بيهن من الوجع الي ابكلبي اشكد دكوا الباب سماح وراها هيفاء بس مافتحتها ردت ارتاح وحدي
مااعرف وين راحت هيفاء نامت لان الوقت اتاخر صارت ال٢ واني وبعدني صافنه على روحي
وين صارت بيه الدنيا شنو ذنبي لازم اتحمله كل هذا و ذوله اهلي كله بسبب ماما هيه رجعتني لهنا هيه دمرتني
فون هيفاء جان يرن بس مابيه ارد صدعت ودخت احس راسي كام يطلع منه بخار من الحركه
الفون مستمر يرن كمت اخذته من الشحن لكيت ماما تتصل رديت عليها وبجيت- ماما حيسافر
ويعوفني لج جابني بس هيج شفه غليله شمرني لج ماما داموووت
-يمه غزوله بس سمعيني كافي لاتبجين
-اشلون ماابجي اكولج داموتتت كلبي مشتعل ناررر اتمنيت شامرة روحي جان هسه مرتاحه ولاهذا العذاب
-يماما بس اسمعيني عوفي ميستاهلج موكلتلج اشكد نصحتج بس متسمعيلي ولج كليلي عنهم اني اعرفهم ذوله موبشر اشكد كلتلج لاتحبي راح يعذبج
-مااعرف ماما احس كلبي حيوكف
-سوده عليه ولج لااتخليني قلقة عليج وين الوحج وضمج بروحي ولج ماما دخيل الله لاتموتيني وراج ابنيتي سمعيني غزوله والله اخليج تاخذين حقج وزياده واتموتي قهر
-اكولج حيسافر اشلون اخذ حقي
-باعي ياامي مؤتمن مستعده ابصم بالعشره عاشكج بس يكابر لان هنتي خلي يسافر واتزوجي خلي يموت وراج
