كفي والمنجمه
بقلمي: leo Alfatlawi
بارت التاسع عشر/ ج2 /
وكفت متصنمه واني اسمعها تكول دبريني ولج شعمل راح انكشف
دعاء- كليله انه وصغيره اعتدوا عليه
-هذا مصطفى ماراح يصدك موش حسبالج ياهو الجان
-چا شنصخم كليلي
-انتي ورطتيني بلعبتج انتي اطلعني ولج ابوي يجتلني
-وانه شكو انتي سوالفج المجسره كم مره نبهناج ونصحناج ماترحين يم سلمه هيج احسلج هم علمتج على سالفه اتخزي وهم روحت عذريتج
منهو يصدك ويه بنت هيج صار بيج
-هسه ماذكرتي شغله صارلها اسنين وانتي ورطتيني انتي تحليها لاوالحمزه اكلهم انتي الردتي تجتلين بت غزل
-ششش ولج لايسمعونه وانه شكو هاي رجاء لاتورطيني و انه ادبرج لاتخافين بس خلي اخلص من الصخام غزيلان واشولفج جاره
عفتهن يكملن حجيهن ورجعت للمطبخ صحت لهيفاء كلتلها تعالي عندي شغلة وياج
صعدنا فوك سولفتلها كل السمعته لطمت وجها كالت يمه جا راحت ابنيت اخوي
-ومن حجيت محد صدك
-ولج والله مااعرف اشلون طلعت من من غرفة جدتي حتى كاظم فازعلها وكض مؤتمن يحلف موش هيه بعد منهو يصدك
-هسه شنو نسوي كولي
-كلشي ما تعملين احسن شي من اجت ابالج تودين كيتي لامج حتى تتفرغين اتراقيبها وبراحتج
-لوبس اعرف مؤتمن لويش مديطلكها
-خيه ابوها امغرك مؤتمن بأفضاله شيطلك انتي ثوله رب الجازف بيج وجابها على راسج ويعرف وكتها راح اتركي وتعورين كلبه تردين من هسه استقر يردها
-لعد اشلون
-شكلج والله محتاره بس فري راسه لرجلج وضلي مستمره على اسوالفج بلكي اتمل وتولي
-شفر راسه خلي يفوت حالي راح اتسكط عمي بطلت البارحة من التعب نمت ميته خلي يروح عسى ما نام يمها عمره كله ولج متت
-يااا ولا تكول هاي الكل شوية تتبجبج يمكن حضن لحكوني يمكن باس لحكوني
-ولج صح يحترك كلبي بس اخوج بي طنين حطمني تحطيم
-اتحملي خيه جااحسن يحطم غيرج ويخليج بحسرته دكومي عدلي شعرج صاير كفشه اصحاب الكهف
-مو سبحت ومامشطت البارحه مشطيلي فدوه
-لاخلي رجلج يمشطه موش بس يعرف يسبحج
- لخاطر يشمرني من الشباج بس اكله شايفه اذا انطيته الفرجه وكلتله مشطلي بس اتخيلي شكله
