بارت مفاجئ بمناسبه 2مليون
كفي والمنجمه
بقلمي: leo Alfatlawi
بارت الثاني والثلاثون/ ج٢/
شلت راسي وتفاجأت واني اشوف كدامي دار كايتي لرعاية الايتام
انداريت باوعتله شايل كيتي ويضحك وياها
حسيت جسمي اقشعر ادموعي لاارادي نزلن وحدهن ضحك كال ام ادميعه على شنهو تبجين
-صدك مصطفى هذا المركز الك
-ههههه تعالي اعرفج على اولادي
دخل كدامي واني وراه فتح الباب حديقة جبيره بيها ملاعيب واطفال هواي تلعب شافوا كلهم نزلوا اجوا يركضون اتلكوه
هو كعد بينهم وباس واحد واحد وهمه يشبكون بي ويبوسون دخلت وراه اجيت يمه اباوعله اشلون يحضن بيهم ويضحك
حنية الدنيا كلها بكلبه شال راسه كالهم هاي ماما غزل الجنت اسولفلكم عليها
وكفوا باوعولي مثل الخجلانين يوصلون يمي تالي واحد شويه اكبر من كيتي اجه كال انتي ماما
احسه عصر كلبي كعدت حضنته ونزلت دموعي همست كلتله اي اني ماما
-وين جنتي
-حبيبي جان عندي شغل وجبتلكم اخو صغيروني مره لخ من اجي اجيبه وياي اتشوفوا
حضني كال لاتعوفيني بعد احمد يضربني
اريد اجر نفس مااكدر حسيت بنتي هاي التشكي حضنته حيل كلتله مااعوفك ابد
مصطفى-وين احمد تعال لك عليش ضاربه
اباوع اجه احمد هم صغير تقريبا عمره سته بس امبين امشيطن حاط اديه وره ظهره وكف خايف من مصطفى كله كم مره كتلك لاتطك اخوتك
-بابا هو باك طوبتي
-بن الكلب موش كتلك لعبه وياك وانه اجيبلك غيرها تعال انت الضاهر اذا ماتتعاقب متصير ادمي
هو اجاه جنت اتوقع راح يضربه لان جان جدي شكله
كمت ردت امنعه بس من وصل يمه شاله حضنه وباسه يضحك كله اتضل شيطان ماتنعدل ولك بابا اخوك الصغير هذا غير عينك بي وتعلمه موش اطكه كالها وباسه وذاك يعتذر يكله بعد مااضربه
شلت الطفل بسته اجه واحد ثاني كمشتي من قميصي عتني دنكت عليه كعدت بمستوى باوعلي عيونه صغار وهو يكسر الكلب سحبته لحضني بسته كلتله شنو حبيبي كول شتريد
-سياره جيبيلي
-اجيبلك بعد شنو
-انتي ماما غزل الي اجيبيلنه هدايه من انصير حبابين
-اي اني ماما غزل
مصطفى اخذ احمد ويا بعد واحد وراحوا يلعبون طوبه بالحديقه
