الحلقة 1 من القصة الحقيقية #مزيونة_الشيخ_صكر
بقلمي #الكاتبة_شهناز_الخزعلي
مزيونة الشيخ صكر...حقيقية
واتبادJaymin_Jaymin
قبلة لعينيك الناعسة...لترافة جسدك ...لنعومة خصل شعرك .... #كحيلة ...
حلاة الحب من تتسلل وتسرق البوسة غصب عنها من
شفايفها اي شعبالكم ؟
اني صكر من مواليد١٩٨٢...٤٠ خريفا ...
عائلتي متكونه من والدي و والدتي
واخوي مازن من مواليد١٩٨٠
واخيتي حسناءمن مواليد ١٩٨٧
شيخ وابن عشيرة...لكفائتي ولباقتي وعلاقتي الطيبة
ويه الوادم ترشحت للمشيخه ...لكل يحسبلي الف
حساب...من ١٥ سنة بالضبط سنه٢٠٠٧ جان بوكتها
عمري ٢٥سنه أبوي كعد وياي كلي"
_وليدي اخيتك حسناء تسترت بيت وولدها بطولها
مشاءالله واخوك مازن كذالك اجه الوكت الي انت
تتزوج خلي أمك تشوفلك بنيه بنت حلال وتتزوجها....
انت هم عندك شهادة محاماة يعني مو شو انت ...وانت
تعرف بروحك زلمة والف من تتمناك ...
_جا خوش بويه ...
أمي:اكلك وليدي جيرانه قبل يومين مسوية ثواب
الاموات وعازمه حريمات المنطقة ورحت هناك هذيج
وهاي الي جايبه بنيتها وحدة احلى من الثانية هيج
رفرفت روحي على وحيدة جنها كمر تمنيتها الك مبينه
بنت بيت معدلة أصولية شتكول لو اشوفها الك ...
_هذا هو ...
*اني هم اتوكلت بعدها بيوم اخذت اختي وطلعنا
لبيت جوارينا دكيت الباب،المرة ضيفتنا اني هم
تجرأت وسئلت على البنيه ...وصفتها الها...عرفتها
دلتنا بيتها اني هم طكت يله دام حارة بحارة خل
اكضي السالفة ...اخذت اخيتي وطلعنا لبيت البنية
دكينه الباب ...هي البنيه فتحت الباب جانت جاي
تنظف يمه صلوات فوكاها نادرة جا شحلاتها لو
تصير من نصيبك ياصكر....ايدها مليانه تايت جاي
تنظف بس شافتنا عدلت هديماتها
_هلايمه امج موجودة
_اهلاوسهلا اي موجودة اتفضلو ..
أنت تقرأ
مزيونة الشيخ صكر(مكتمله)
ChickLitمن عوايد زلمنا كلمتهم سيف بس لخاطر عيون كحيله كسرت كلمتي ،القصة حقيقية أبطلها من العنارة زلمنا لمعدلة وشيوخنا الطيبة انتظروني...
