البارت22من القصة الحقيقية #مزيونة_الشيخ_صكر بقلمي #الكاتبة_شهناز_الخزعلي
رحنا عقدنا يم الشيخ....جانت كلمه ابوية ياسر يطلع من السجن بمكان الفلوس وبمكاني.....طلعنا للعمارة...طول الطريق ساكته صكر جاي يسوق واني عيني على الطريق... شنو الي راح اواجهه واني وراية٣سيارات معباه برجال اني هم سندت روحي على الشباك غمضت عيوني تمنيت كل الي داامر بي مجرد وهم مجرد عدم مجرد شي ماكوووو ... اسمع صكر بين وقت وقت يخابر على اهله ويكلهم فلان مكان وصلنا ...
بنص الطريق نزل جاب ماي قدمه الي ...مانطيت اله اهتمام
_اخذي ...
_ماريد
_كتلج اخذي ...
_طلت ماريد
هنا صكر تعصب بالزايد "
_اي عساج ماشربتي رخيصه ...
هنا اني تخبلت كتله"
_اي يالغالي ومقامك عالي انت تشوفني هيج مو؟ لعد شكو اخذتني من بيت اهلي وصرت حرمك المصون ...
_شهالصلافه لج انتي شنو ...
تعصب شمر عليه بطل الماي اخ ايدي نضربت...اخذت بطل الماي فكيت شباك السيارة وذبيته منه كتله"
_كتلك ماريد ...
_هيج تذبين نعمه الله؟
_لعد انت من اجيت شمرته عليه ماكلت نعمه الله؟ لو من يمك غفور رحيم من يمي شديد العقاب ؟
وصلنا هناك هناك بين بساتين ونخل وكفت السيارة كابلوني ٣نسوان ورياجيل بكد النمل
مره كالت "
_ادخلي ...دخلت ويه٣نسوان شكلها ام صكر ووحدة منهم دفعتني ....شكلها حاقدة هاي اكيد مرت مازن
خزرتها كتلها"
_لاتدفعين ...
ام صكر اشرت ب ايدها "
_شنووو اني لج تعالي اسويج وصلتين ...
ام صكر عاطت "
_بسسسس ولاكلام...انتي شسمج كلتي "
_كحلاء
_كحلاء لااتراددين بالكلام...صوتج لاترفعي بحضور الي اكبر منج ابوج مارباج امج وين ها ؟
_امي متوفية ...ابويه رباني صح علمني اكل الي ياذيني بسيوني والي يحترمني احترمه ...
_اش وكلام هالبيت ما فد يوم طلع صوت وحدة
نفس ماكتلج تغيرين طبيعه لبسج ...وتشاركين بالشغل داري لكمتج ...
_والله خاله جاي تحجين هيج طبيعي فجاءة نفرض على ابويه٣٠٠مليون منين يجيب ها واخويه مذبوب بالسجن ابويه منو اله انتو شنو كفرة ماتؤمنون بقدر الله هااااا؟ وهاي ياخاله سبحتج وهذيج السجادة شنو شغلها ...
_يادهر شفتيها عمه شلون صلافه ....
كحلاء"
_امرج عجيب انتي منو وياج ...
_اكعدي ....
نطت مرت مازن "
_عمه شتكعد دباعي شلابسه...باعي ايدها ناعمه
اويلي سودة بوجهج وبوجه اخوج الكلب موت خويلد الله يرحمه ....
أنت تقرأ
مزيونة الشيخ صكر(مكتمله)
ChickLitمن عوايد زلمنا كلمتهم سيف بس لخاطر عيون كحيله كسرت كلمتي ،القصة حقيقية أبطلها من العنارة زلمنا لمعدلة وشيوخنا الطيبة انتظروني...
