وهناك صار شي وياي ما متوقعه يصير بحياتي......
معقوله ......اكو مصايب اكبر من مصيبتي ؟مستحيل ...مستحيل ياربي ....
.... وصلنا للنجف زرنا امواتنا وزرته لزوجي.... بس ما بقينا بالمقبره هواي لان ويانا اطفال.... طلعنا ل الزياره امير المؤمنين عليه السلام
وراها تغدينا بمطعم عالسريع.... وبحدود العصريه اخذنا تكسي وطلعنا لكربلاء....... وصلت هناك جو كربلاء يختلف النفس تنفتح ناس طيبه نسوان مستورات اجواء دينيه ذبينا غرضنا بالامانات ودخلنا للروضه الحسينيه باوعت للقبه اني سامعه الحاجات تنقضي يا رب فرجك.... قعدت بالصحن وخليت يزن يم كوثر وبنتها ساره قريت الزياره وقلت لها راح حاضره راح ازور دخلت زرت ما كان عاجبني اتحرك من هذا المكان المقدس كنت حابه اظل اطول فتره طلعت من يم الضريح الشريف... رفعت على ايدي والقيت التحيه والسلام التفتت رجلي انضربت كعدت امرخ لرجلي حتى تفك .................
هنا لفت انتباهي بنت تقرا الزياره بنت حزينه يطلع عمرها واحد وثلاثين سنه حسب تقييمي وعمر ما تقييمي طلع خطا بيوم من الايام....
ما اعرف شنو السبب اللي خلاني الزم ايدها رفعت عيونها علي عيونها كلها دموع ظليت لازمه ايدها وهي ساكنه..... تمنيت احكي وياها لكن ساره بنت اختي لمحتني واجت كالت الي يزن غص من البجي....
سحبت ايدي من ايدها بهدوء وقمت خليت ايدي على كتفها ومشيت مشيت واني التفت لي ورا تمنيت اعرف هالبنيه شنو حامله من حزن بداخلها حتى تبجي بحركه....
رحت على ساره حضنت يزن درت وجهي لقيت البنيه اختفت وين راحت قبل دقيقتين كانت موجوده وين راحت... طلعنا من الروضه الشريفه راح نزلنا العباس ابو فاضل عليه السلام طبيت واني حاسه بصدري قفص الصدري كانه سجن أظلم...... حسيت نفسي ارتاحت ارتميت زرت ان دعيت لقيت البنيه ورايا واقفه بس هالمره رافعه ايدها الاثنين للسماء وتندعي وتكول دخيلك يا رب ريح قلبي....
وبنفس الطريقه هم اجت ساره يزن يبجي.... رحت طلعنا اني وخيتي اشترينا صوغاات لابويا وحلويات..
رحنا للفندق... كوثر شافتني صافنه....
سالتني ما رديت عليها....
ثاني يوم دزتني اجيب ريوك عجبها كيمر وشاي حار وبالفندق ماكو بوفيه.....
نزلت يمه الخباز جاي اطلع فلوس اله لمحتها .....
بسرعه اخذت الخبزات وطرت وراها.....
هي وتمشي لزمتها من ايدها.... سحبت ايدها مني بقوه فكرت انه اني متحرش التفتت عليه لكيتني بنيه نظراتها كلها تساؤل.....
حجيت بصوت مرتبك"
_ بكائك بحضره الامام الحسين عليه السلام لفت انتباهي دعواتج وحسرتج قطعت قلبي..... اريد اعرف انت منو ومن وين وشنو سالفتج ؟
البنت سحبت نفس باوعت بعيوني التفتت يمين يسار.... كالت خل نمشي"
_ هو اني فعلا محتاج احجي لاحد ومحتاجه احد يسمعني بس انتي منو؟
_ اني زايره جيت من النجف مسكني ببغداد زرت زوجي وجيت ازور هناك كم يوم وارجع.... وانت من وين؟
_ اني من كربلاء ساكنه هنا بحي العباس اذا سامعه بيه
_ لا ما سامعه بي لان اني من بغداد بس اذا حي عباس عندهم هيج بنات حلوه فاني اكيد فخوره انه سمعت بهذا المكان بس حي العباس بعيد عن هنا اشجابج هنا.؟
_ ابويا وامي يحبون اجيب لهم قيمر خبز منا حار طيب هاي منطقتنا القديمه كنا ساكنين بيها بس شلنا الحي العباس...وبيت عمي هنا هم اجيت صبحت عليهم ....
_
_ خايفه الطريق يخلص وتروحين لاهلك شنو سالفتج انتي واكدر اشوفج.؟؟؟
_ سجلي رقمي وممكن العصريه نلتقي بالحضره؟
هنا كحلاء ابتسمت "
_ اي اكيد ممكن وبكل سرور بالخمسه زين؟
_ زين .... بس عدلي عباتج انتوا اهل بغداد ما تعرفون تلبسون العباه....
ضحكت كحلاء "
_صح....
__________يتبع
رايكم......لايك
أنت تقرأ
مزيونة الشيخ صكر(مكتمله)
ChickLitمن عوايد زلمنا كلمتهم سيف بس لخاطر عيون كحيله كسرت كلمتي ،القصة حقيقية أبطلها من العنارة زلمنا لمعدلة وشيوخنا الطيبة انتظروني...
