مزيونة الشيخ صكر(مكتمله)

البارت16

البارت16 من القصة الحقيقية
#مزيونة_الشيخ_صكر
#صكر_وكحيلة

بقلمي #الكاتبة_شهناز_الخزعلي....

رجعت للعمارة اني و وليدي خالد...رجعت إلى الصفر ..ألى العدم ...ابوي واخوي مازن مشتعلين جمر...وكل واحد محضر سلاحه .

ابوي:تاليها بيت ابو صكر تصير بي فضيحه ولا فضيحه من الطراز الثقيل ... لك هاي اروح هسه اضربها طلقة براسها...لك انت شلون ساكت...فوكاها....فوكاها ابوها بالعين والوكحه يخابر ويحاجج بنتي ...وبنتي لك اااااخخخخخخ امشينا نروح نكطم ركبتها بنت ال....

_طلكتها قبل اكثر من شهرين وبقيت هناك يعني متحمل كل هاي المشاكل الحالي...وخالد ...خالد مسؤليه كبيرة ...تخيل يا ابوي عفت وظيفتي...عفت كلشي وراي ...مايهمني شي كد ما يهمني ابني .....

الام:يمه وليدي الف من تتمنى تراب رجلك يكفي نسبك ..

_يمه ماريد ...اصعد انام واذا تكدرين صبي غدة ل خالد جوعان ...

_ماشي ولو هو ابن وحده كلبه وبنت حرام بس ماشي ...

_لا يمه لا...الله يخليكم لا انتي ولاحسناء ولا حتى انت يخوي ماريد تتعاملون ويه ابني بسوء ....يمه الولد يتعقد اني اريد اكسبه....

_خلص يمه التشيل هم...

حسناء/ اخوي صكر صعد لغرفته حزين مهموم ...اخذت خالد ووكلته ...امي تباوع بحقد علية....
كتلها "

_يمه خالد من دمنا ولحمنا لاتاخذين الولد بذنب امه ....

_لج انتي ماتدرين( الك...ه) حبلها اخوج حتى قبل مايتزوجون...

_ياااا؟ جان عمرها ١٤سنه وهيج سوت فلك الفلكها ....

_اني السبب اني .....اني اذيت وليدي ووصلته لهاي المرحله اني جبتها اله ..شجاني شسويت بي...

ضلت ايمان تدك وتراسل وتبجي تريد بس ترجع ...شلون ارجع وياج خاينه ...

خالد يسئل عن امه...؟شاكوله امك ماتت؟ ويكبر ينصدم بعهرها وعارها .....؟شسوي؟

قررت اكعد ويه ابني ...كعده زلم ...علمته الدومينا وضليت اسولف وياه ...

_بابا اشتاقيت ل امي و ل اختي مها ...شو نقلتني هنا ؟
مدرستي هناك احلى....
_شوف خالد انت ابن عشاير....انت تعرف امك سوت شي شين؟يهدم الحيل وينزل راس زلم باعت ابوك خانتني ويه واحد فردة من فرد جزمتي مايتقارن؟؟
وليدي خالد اني ادري بيه جاي احجي وياك وانت ماتفهم هالامور صعبه عليك ...بس احسن ماتكبر وتنصدم وليدي الحياة بيها هواي مطبات لازم مانوكف عندها ...خالد اريدك ترفع راسي واريدك تدرس وتطلع من الأوائل

ابتسامه طفل بريئه ...رد

_صار بابا ......

ايمان تستمر تدك اتصال وتكتب رسائل بحجه اتريد تشوف خالد ....

بعد ٨اشهر من الانفصال والخيانه....كضيتها كاعد بالبيت استحي اطلع اخاف احد يسئل يحجي اني زلمه شكبرني ...شطولني واحسب حساب الوادم ....وهي بعين الوقحه عايشه ومكمله ...هه والحلو فؤاد ضاربها ب قياس٤٥ ....طبيعي الي تخون مره يصير عندها طبيعي وتخون مره ومرتين المي قوي وصعب يوصف
...

جنت كاعد بغرفتي دخل اخوي مازن ....

_شلونك...
_ألحمد الله
_يخوي فكك من هالجو الي انته بي ...عيش يومك ....
_الي سوته ايمان موسهل تخيل وين جنت وين صرت....
_قصدك بغداد وظيفتك وو....لالالابخوي انت ابن شيوخ وتعرف بكلشي وحتى وضعك المادي هنا والدوانم والمزرعه ما حاجه احجي ....

_مدري شكلك يخوي ....
_لاتكولي ولااكلك اول وتالي تلكه وحدة حليوة شريفه
_لا ههههه لايخوي لا....جرحي ندي بعده وشلون أأمن؟ولاتنسى اني مطلق وعندي وليدي خويلد همي كبير
_اريدك تكون على حيلك من جديد ...صكر انت نفسك عزيزة .....تره هواي عذبتك هالايمان ....وعادي يعني يخوي احسن الله كشفها الك....لو احسن تبقى على عمى عيونك وتربي بزر مو بزرك ...
_ألحمد الله على كل حال ...

الحياة تمشي شئت أم ابيت....بعد تقريب سنه من كل هاي الأحداث... خالد تعود على حسناء ومرت مازن يدرسون خالد ....واني بديت اشتغل بمكاني القديم.....
بين مشاكل الحياة وهموم الدنيا الي ماتخلص....

وبيوم صار عندنا فصل عشائري كعدت بنص الزلم مهيوب الدشداشه البيضه والعكال وللحية والسبحه الكهرب ..... والقهوه الها ميزان تنلزم ب الايد اليمنه وكعدتنا وسوالف الزلم.....

وبيوم طلعت بشغله ورجعت للبيت لكيت مازن لازم مرته ودك بالحزام وحجي قوي بينهم ....امي وابوي يفاككوهم.....اثاري زوجه اخوي عندها اتصال ب ايمان وتنطيها اخباري ....

اخوي تخبل يكول شلون تحاجي وحده ساقطه مثلها ....اكيد تعديها ....اهوي خله الحد على زوجته اذا حاجتها ل ايمان يطلكها ......

لهنا يتبع ...

الكل يتوقع لهنا انتهت احداث القصة،؟؟؟

بس انتو نسيتو شخصية جديدة ....شخصية

كحيله ...

لاتنسوا التصويت يشجعني أستمر
لايك ....📚❤القادم اجمل

بطل الرواية صكر يتابع وياكم

تحياتي #الكاتبة_شهناز_الخزعلي