البارت8من القصة الحقيقية #مزيونة_الشيخ_صكر بقلمي #الكاتبة_شهناز_الخزعلي....
(حلقة مثيرة للجدل)
عمي ابو صكر صاحني...ارتبكت ...كتله "
_روح فؤاد ...عمي جاي بصيح الي...
سديت الاتصال ورحت ركض ل عمي ابو صكر
كالي:
_بنيتي بس شوفي وين السبحه والمحفظه عمتج مدري وين خلتها ....
_جايه عمي ..
رحت دورتها ولكيتها ..نطيتها اله...عمي طلع٢٥الف ونطاني الي هيج...باوعت عليه كتله"
_عمي خيركم سابق وصكر مامقصر وياي ...
_انه ابوج بنيتي لاتحجين هيج اخذي مني ....
_مشكور عمي.....
رجعت صعدت لغرفتي لكيت اتصال من فؤاد ..يربي هذا شيريد مني ....
ماجاوبته ...دز مسج احبج .....
ابتسمت ....
اي شبيه اني ...اني احب فؤاد حتى قبل مااتزوج جان يجي وينتظرني يم باب المدرسه ويذب حجايات حلوة
لزمت التليفون حبست انفاسي كتبتله"
_اني بعد احبك مثل حبك الي ...
خابرني جاوبته:
_مشتاقلج شفتي متحملت بعدج ساعه ..
_وين كلامك وينك قبل مااتزوج جنت كدام عيونج ..
_مايخالف هاي اني يمج واحبج .....واريدج مشتاقلج حاولي تجين للناصرية ....اني مريض وصحتي موزينه وفلوس دوه ماعندي بجيبي .
_لعد راتبك يوميتك من المطعم وين؟
_ماتكفي ...المهم انتي تعالي وبس احبج ....
خالد كام يبجي ....مسحت المكالمات والرسائل ورحت للطفل رضعته .....
رجعت فتحت الفيس كروبات نسائية ....وكروبات مختلطه واغلب المشاكل تحت خط (زوجي مهمل .تزوجت وبعدني احب حبيبي وانفصلت من زوجي وتزوجت حبيبي وكلش سعيدة ....)وغيرها من المسجات والبوستات هاي اتصفح بلابتوب زوجي ...سديت اللابتوب والملل كاتلني ....
صكر/طلع تعييني بغداد...بوزارة ك موظف والوظيفة هاي ماتتعوض ...رجعت للبيت كعدت كعدة وي ابوي...
_الله بالخير بويه ...
_الله بالخير وليدي
_يابه بعد واسطه وجيب وودي طلع تعييني ....بغداد
_بالخير عليك وليدي رفعه الراس
_اروح يم خالي عباس هناك بغداد بالدورة ااجر بيت واخذ مريتي وابني هناك ..يعز عليه فراقك بس ان شاء الله مازن وحسناء مايقصرون ويسدون مكاني ...واذا الله سهل اكيد كل فترة اجيكم وتجوني ...
_اني موافق بس كول ل امك خطي كلبها يحترك....
_الله يحفظك بويه ...اني هسه احاجيها ...من رخصتك بويه ...
أنت تقرأ
مزيونة الشيخ صكر(مكتمله)
ChickLitمن عوايد زلمنا كلمتهم سيف بس لخاطر عيون كحيله كسرت كلمتي ،القصة حقيقية أبطلها من العنارة زلمنا لمعدلة وشيوخنا الطيبة انتظروني...
