مزيونة الشيخ صكر(مكتمله)

البارت5

البارت5 من القصة الحقيقية #مزيونة_الشيخ_صكر

بقلمي #الكاتبة_شهناز_الخزعلي

_تعرفين كلش زين انتي حتى جيتج هنا مو علمود ولادتج لو تشوفينا ...

_كافي ..اني صوجي اجيت...هل اولي للغرفه

_تعالي ميصير هيج تمشين اني اختج اكبر منج لو علمود لبستي شكم ذهبه ب ايدج صرتي متكبرة واحنه هم نلبس ترة بس ركزي على حجيي المن جايه بالضبط ؟

_باوعي...

_شنو اباوع؟

_باوعي بطني شكبرها .....

_اي واذا ...

_يعني سالفه الي براسج ماكو لاتهجمين بيتي لو تغارين لان زوجي يحبني .....

_هههه عروس بالبداية ولو صكر خوش صكر ....

_حسد عيشة هذا ها ....

_هههه اني اختج اني الي اتمناه تتستتين وتنسترين هاي جزاتي لان دومي وياج وأنصحج ...

*تركت ايمان لان هاي صارت تفهم بالمكلوب ...ضليت يوم واحد واجه زوجي اخذني ...

ايمان /هو ليش الانسان من يغلط وينكشف يتخذون غلطته نقطه ضعف ؟ ليش عود؟ راحت اختي بيت زوجها واني كل يومين تجيني طلوك وتروح ضليت على هالحال ١٠ايام ويه التقلصات....اه ماعدا تدفر البطن نوم ماكمت انام براحتي ...امي ودتني للدكتورة كالت عود لازم امشي هواي ...صكر خطيه كل٥ايام يجي لو يخابر امي او اخوي حتى يطمن عليه ومرات يحجي وياي حجي رسمي لان يستحي من اهلي ... اهلي كل فكرهم اني بشهر السابع راح اجيبه سبيعي واني مشيتها على هيج رغم حسابي جان يختلف عن الدكتورة

وبيوم امي كالت لمرت اخوي تطلع وياي تمشيني....وطلعنا اني وياها والجهال...جاي نتمشى وافوتلكم من محل فؤاد وأنصدم...انصدم بالاسواق متحوله محل حلاقة رجالية ؟ معقوله صار عندة فلوس ؟لو المحبس الي نطيته اله فرخ فلوس ؟

لالا ....شسوي ....تعدينا المحل واني ادري درب الرجعه نفسه ......مرت اخوي تسولف وياي وتضحك واني شاردة والجهال يلعبون وياكلون جبس وشعر بنات واني فاصله عنهم ....

رجعت للبيت وإني شاردة الذهن لكيت صكر كبالي ...جاي للبيت باوعت اله ب استغراب خطيه جايب مسواك وشغلات وكال اضل يمج هاليومين ...
يا الكاع ماشالت اهلي من الفرحه...حتى طلعنا مطعم وكعدنا سوة نسولف...

كتله"

_حبيبي...

_كولي عمري

_حبيبي اريد منك هديه ولادتي ...

_أامري كلشي تردين يجي جوه رجلج ...

_اريد موبايل وسلسلة ذهب

_من هالعين كبل هالعين شعندي غيرج العافية انتي

ابتسمت وين اني ماجاي اكل لمحت فؤاد جاي يشتغل بالمطعم باوع عليه ...اني غصيت اختنكت ....