البارت9من القصة الحقيقية #مزيونة_الشيخ_صكر بقلمي #الكاتبة_شهناز_الخزعلي
.صحيت من نومي بيومها ولكيت صكر راجع للبيت ... _
_ها حبيبتي كعدتي ...
_اي صباح الخير
_صباح النور...يمعوده ساعه١١ شكلج متاخرة بالنومه ...
_اي قابل جديدة غير ابنك ...خبلني يله نام ...
_يلا كومي تريكي حتى ورة الظهر نتوكل لبغداد ...
_صدك تدري لحد الان ممصدكه راح نروح لبغداد لا
والحلو راح نسكن هناك ....
_اي بعد شتردين ...
_احبك حبيبي ابو بيتي ....
كمت واني كلي نشاط...حضرت ماتبقى من الاغراض...سلمنا على اهلها صكر ...طلعنا من البيت واني ب ايدي خالد وصكر يحمل الجنط للسيارة ...
طلعنا لبغداد الطرق طويل قرابه ٥ساعات سحت من الحر كل شويه التكييف مال سيار يفصل ...وصلنا هناك صفينا السيارة يم بيت خاله ....نزلنا هناك اني شايله ابني دكينا الباب فتحلنا خاله دخلنا ...استقبلنا رحبو بينا احسن ترحيب ......صكر اخذ المفتاح مالبيت من خاله ....دخلت للبيت عبارة عن جنه مصغرة اول منفوخ حديقة ومطبخ وغرفتين وحمام وغرفتين فوك وسطح بيت الاحلام ل اي بنت .....اقصد زوجه ....
هنا وصكر صار يطلع من٦ونص الصبح يرجع ب٤العصر حاله حال اي موظف ينام ل٦لو٨المغرب ويطلع يجيب مسواك طبيعي حاله حال اي شاب واني الي عليه اطبخ واراعي وليدي خلودي وكل جمعه يطلعنا لو اطلع وي بنات خاله ....
حياتي استقرت ...حياه والاحلى منها ...
بس بيوم طلع صكر للدوام ...فتحت التليفون ههههه لكيت فؤاد مخابر٥٦مكالمه والرساله ٢٠...رساله...
دكيت عليه بعد غياب ١٥يوم ...متتاليه .....
دك...دكتين جاوبني فؤاد عصبي "
_الو ...
_الو
_وينج ؟ها وينج الج اسبوعين ...اسبوعين وينج ماتردين مشتاقلج مشتاااااقلج....
_حبيبي اني ما انكر اني هم مشتاقتلك .......بس انشغلت بالبيت انقلت لبيت جديد وو.....
_ها هانم ماتعرفين تردين على اتصالي لو رساله حنلو ٥دقايق من وقتج الثمين ....ست ايمان .
_شبيك فؤاد ؟
_شبيه احبج غير ...
_اي مو حبيبي كتلك انقلع لبيت جديد....
_ها شنو عزلتي عن عيالج ؟
_لاموبالضبط ...
_لعد شنو ؟
_زوجي طلع تعيينه ب بغداد وانقلت ...
_هااااا؟بغداد حضرت جنابج .
_اي بغداد....
_دزيلي صورتج مشتاقلج....
_اجه زوجي .....
سديت الاتصال لان صكر رجع ذب ملابسه وكعد لزم راسه ...راسه يوجعه ...اخخخخ سويلي جاي ايمان....
_صار حبيبي ....
رحت سويتله جاي ولكمه كباب عروك بالطاوة كعد ياكل....باوع عليه كال"
_اخوج خابر اليوم .
_اي خير ان شاء الله...شبي..
_ابوج مريض وباجر لازم اوديج تبقين هناك كم يوم خطيه ويه امج ...ها واختج هم هناك ....
_وانته حبيبي شلون اعوفك وحيدك؟ منو يطبخلك منو يغسل هدومك شلون حبيبي....؟
أنت تقرأ
مزيونة الشيخ صكر(مكتمله)
ChickLitمن عوايد زلمنا كلمتهم سيف بس لخاطر عيون كحيله كسرت كلمتي ،القصة حقيقية أبطلها من العنارة زلمنا لمعدلة وشيوخنا الطيبة انتظروني...
