لا عمه ما روح ما اعوف بيت زوجي...
انا ااكول عوفي اني اكول.... .
كحلاء/ ما اقتنعت بكلامها... كنت حاسه بيها خايفه من شي.... انا اريد احتفظ بذكريات زوجي هنا... بين هالجدران..... عطره... صوته.... ضحكته حتى مرات اشوفه....
بين ما اني افكر سمعت صوت هورينات مال سيارات رحت للشباك باوعت بيت جيراننا وعد طبقوا يمهم زلم معكله نزلت من السيارات....
فجاه طلعوا سلاح وظلوا ياشرون على بيتنا واحد منهم رمى طلقه ... رصاصه صوبت الحايط الي بصفي ...
سمعت صوت وعد يكول لهم وقفوا الطلق ...
اجت عمه زوجي تركض كالت نزلوا جوه..نزلي يزن وياج.....هذول مدري شبيهم تخبلو .....صكر مات يشردون بعد ....يبووو.... اني كلت الج يا كحلاء روحي لبغداد روحي يم اهلج.....
هنا وعد/ عمي انت شجاي تسوي؟ ترة صكر توفى ....
هنا الرجل مستغرب شلون توفى....
قضاء وقدر ارفعوا اسلحتهم ودخلوا البيت وعد هنا ودك تليفون كحلاء ....
كحلاء سدت شباك للبيت وراحت على التليفون لكت كوثر متصله اكثر من مره...
... رادت تتصل بكوثر بس سمعت صوت عمه صكر تبجي....
نزلت كحلاء"
_ شبيج عمه...
_مشتاقه لصكر ......
حسيت عمتي بداخل هالكلام ثاني بس ما كدرت تحجي..
هنا وانفجرت بالبجي ....وكالتلي....اترجاج روحي لبغداد.
انتي متعرفين بيت وعد شنو هذول اني اكثر من مره سمعتهم يتوعدون لزوجج الله يرحمها.... ومشاكل بينهم كانت وعد هذا اني اجامله حتى من اجى بالمستشفى اني اجامله لان اعرف بيه انسان مو سهل فيا كحلا اخذي ابنك وروح لبيتكم قبل ما يوكع الفاس بالراس... اني شفت بعيوني وعد واخو كل ما تفوتين يتبسبسون بينهم.... وشفتي الزلم من دخله وقبل شوي... شلون تدنى وعد يم الزلمه وكال له مات توفى....
_ انت شنو تقصدين قصدك حادثتنا صارت ويانا بيت وعد لهم دور.؟؟؟؟
_ والله ما اعرف يا بنتي بس الموضوع ما يطمن روحي....
_ واعوف دم زوجي مهدور؟؟
_ اسكتي لا تحاولين تبيعين بطولات انت نزلتي صعدتي انت بنت.... وش تقدرين تسوين واحنا بمجتمع يحكمه عشائر.... باكر من فجريه الله من الغبشه تطلعين لبغداد
روحي هناك ومارسي حياتك الطبيعيه عيش ومؤسسه مكرمه بعيده عن مشاكل وعد وغيره وغيره انت ما تعرفين هنا شنو اهلك ما يدرون بوفاه زوجك روحي هناك تبوشي لان المراه بالعده لازم تتبوش ومن تخلص العده مرسى حياتك الطبيعيه ولا تلبسين اسود انت زوجك مقتول زوجك على حالك شهيد صدقي زوجك لو كان عايش ما يعوفك تلبسين يوم واحد اسود ما تصورين ااشكد كان يحبج وشكد كان يراعيج...
دير بالك على ابنك وعيشي صح......
كحلاء/ ثاني يوم الفجر طلعت لبغداد من الكراج اني وابني وجوناطي قلعت كل اغراضي من دون ما احد ينتبه عليه وصلت حضنت بابا وكلتت لبابا زوجي مات زوجي انقتل كدام عيوني...
بابا واساني ودخلت للبيت تفاجات بوجود كوثر وساره بالبيت... ضليت واقفه بمكاني كوثر حضنتني واخذت من خاطري.... تبين كوثر تطلقت من زوجها ورجعت لبيت ابويا هي وبيتها تسكن ورفعت راسي اللي فوق وقلت هذا البيت بيت الارامل والمطلقات
بعد فتره قررنا اني وكوثر نطلع للنجف زياره ومن ناكل كربلاء نظل يومين ناخذ جهالنا ونروح ابويا رحب بالفكره بس ما كدر يجي كال انتوا روحوا وجاء اليوم اللي نتجهز بيه عمود نطلع للزياره
وهناك صار شي وياي ما متوقعه يصير بحياتي......
________يتبع ....احداث جديدة بالانتظار ..
أنت تقرأ
مزيونة الشيخ صكر(مكتمله)
ChickLitمن عوايد زلمنا كلمتهم سيف بس لخاطر عيون كحيله كسرت كلمتي ،القصة حقيقية أبطلها من العنارة زلمنا لمعدلة وشيوخنا الطيبة انتظروني...
