بين الاجبار و الوجد 💚

5

#بين_الاجبار_والوَجد 💚
لايك قبل ما تقرو

الخامسة - 5 -
..
..
نجم>> ورحمة امي بنشوفها خمس دقايق بس
كيان>> وديني يسمعك ثابت يدفنك
نجم>> تي والله ما صايره حاجه نشوفها بسس ونطلع
كيان>> يا نجم النمس يقتلك ؟ تي انت ماشي بتشوف اخته وهوا عنده عيون فالمنطقه كلها
نجم>> ياجماعه تي نحبها افهمو جد اصلي نحبها ؟
كيان>> باهي تحبها ؟ بتكملها تهرب هكي وهكي بيش تشوفها و مكالمات وخلاص ؟ بعدها ؟ نمس بيجوزها لكي

نجم>> مستعد نهرب معاها

كيان>> لدرجه هذي ؟
نجم>> يرزقكم ربي ببنات انت وخوك ثابت يخلنكم الليل ما ترقدوه من وجع القلب

وما كانش نجم يعلم انه دعوته وصلت علي طول😂

خش كيان ونجم صكر راسه انه يمشي ... كلم صاحبه تكي عليه وطلع بيه شور منطقة النمس ... درس بعيد وكان الحي مهبي ما فيش حد

نجم مسك التلفون ورن عليها >> انا برا انتي وين ؟
حنين>> فالشقه اركب بسرعه نمس مش قاعد  
نجم >> اوكي دقيقه ونكون غادي

صاحبه>> ماطولش اه
نجم>> خليك هنا وطفي ضي السياره بس

بعد صكر نجم الخط
نمس >> شنصار؟
حنين >> دقيقه وجاي ،، انزل عدي
نمس ضحك بخبث >> واخيرا يا نجم السبع
//
//
بين لحظة ولحظة الساعه كانت ١١ ليل

نجم يجري خش لمنطقته لقي ثابت برا

ثابت>> شن فيه كنك
نجم يلهد من الجري>> النمس ورايا النمس

ثابت فهم >> شن درت شن لبزت؟؟؟
كيان يسمع فالهرجه طلع >>شن فيه

ثابت>> النمس وراه

كيان >> اجري بسرعه اطلع من هنااااااا ابلط من المنطقه

نجم >> الي بيا بيكم جيت نجري هنا عشان زين مانبيش يصيرلها شي بسببي

كيان بصوت عالي>> نجممممممم اجري بسرعه اطلع من هنا

ثابت يعيط>> ابلطططط قلنالك ما حد حايصيرله شي اجري بسرعه قبل ما يجي نمس مش حايقدر يلمس من حد فينا شعره

خش كيان يجري لدار طلع سلاحه و حطه في جيبه الوراني ولحقه ثابت بعد ما برم نجم بيمشي

كيان >>عدا؟؟؟
ثابت>> اهه "مسك سلاحه "

زين>>شن فيه كنكم؟؟شن صاير بس
ثابت>> ما في شي "يمسح علي راسها " خشي للدار جوا وما تطلعيش منها مهما سمعتي

كيان جا جنبها >> خليك انتي وعازه فالدار هنا و ماحدش يطلع

زين بقلة حيلة>> بالله عليكم ما تسيبوني ورحمة بابا معد فيا جهد

نزل بسام من فوق

كيان >> ذخر سلاحك
بسام بدون ما يفهم شن فيه علي طول خش جاب سلاحه
ثابت >> عينك علي بسام عارفه اعصاب را يطلق شي طلقه طايشه ماتخليش يقرب
كيان>> تمام