#بين_الاجبار_والوَجد 💚
العاشرة -10-
//
//
كيان بحت في بسّام >> سلاح لا !
ثابت >> يارا هضوما شرطة مش عيت النمس اللي طالعلهم بسلاحك !
بسام ركب فوق بيرد السلاح ،ونجم حذا الدار لي فيها زين علي صوت خبطة الباب
خش الافندي و معاه عنصرين من الشرطه
ثابت >> اهلا وسهلا
الافندي>>لو في حاجه طلعها بدون شوشرة وتفتيش
ثابت >> حاجه زي شنو مثلا
كيان ضحك
الافندي بحت ف كيان >> الحوش كله يتفتش
كيان >> الحوش حوشك ، تهيالي ماناكش غابي فالمكان حفظته
الافندي حط يده علي سلاحه وابتسم بغل
خشت الشرطه تفتش فالحوش و كالعاده نفس التفتيش وكل مرة بدقة اكثر ، وما يلقوش في ولا حاجه ضدهم ! مع انه متأكدين انه في شي مدسوس ...
الشرطي >> افندي المكان نظيف
كيان بحت في ثابت وغمزله ...
الافندي بحت في ثابت >> مازال لنا لقاء
ثابت>> ابببب الطريق وتعرفها
طلعت الشرطه و كان طبعا الشارع كله برا
ليث >> الامور تمام ؟
ثابت >> اصلي مافي شي
خشو للحوش بعد ما تطمنو
كيان>> انا متأكد انه في حد حاطنا في راسه! مش معقوله الشرطه ما عندهش الا عيت السبع ؟
ثابت >> حتي انا شاك انه حد قاصد انه يخلينا متوترين
نجم>> انقنا قصة قعدت هكي
كيان>> كل حد يدور بطريقته لعند نعرفو من ! ماتنسوش انه عرس زين قرب ... مانبوش مشاكل وشوشرة خلو العرس يطلع وتفرح بدون مشاكل
//
//
جود >> شكلها طبه
جوري >> ااااه اكيده
جمانة>> انا خاطري نعرف كل طبه مايطلعوش في شي
جوري>> عجيبين غريبين ، خليني نشوف كيان
مسكت تلفونها ورنت عليه
كيان >> ايوا
جوري >> الو ... شنصار ؟ كنكم
كيان>> يعني ع اساس اول مره
جوري >> مش اول مره بس اول مره وانا معاك
كيان>> بطولة عمرك😂
جوري >>شن سر برودك؟
كيان>> اللهم طولك ياروح
جوري >> والله الا اللهم طولك ياروح فعلا
كيان >> تو رانه بتطلقي لسانك؟
جوري >> سآلت ما نفعش شن ندير 😡
كيان >> ياستي طبه زي اي طبه عادي
جوري >> زين وين؟
كيان>> خشت بترقد
جوري >> و انت ؟
كيان >> ح نرقد برضو بكرا عندي شغل
جوري >> تمام
كيان>> عندك مدرسة بكرا ؟
جوري >> اها
كيان >> واعيني علي نوضتك
جوري >> شن الدلاله هذي 😒
كيان>> جوري يعني جيت شرطة وطولة لسان واجد عطيني فرصة ناخذ نفسي
جوري >> ننننن نرن مره ماتردش ما دخلنيش
كيان ضحك >> اوكي تمام
جوري >> تصبح علي خير
كيان >> تلاقي الخير
أنت تقرأ
بين الاجبار و الوَجد 💚
Mystery / Thrillerهذه المرّة كبارًا نعرف أن خطوةً في الدربِ الخاطئ تكلّف عمرًا!💚.
