بين الاجبار و الوَجد 💚

20

#بين_الاجبار_والوَجد💚
العشرين -20-
//
//
ليث قرب منها حط يده علي كتفها >> جمانة!

جمانة برمت عليه ونزلت التلفون

ليث >> شن التتنيحه هذي

جمانة >> انا غبيه بكل
ليث>> وين الجديد😂

جمانة بحتت فيه

ليث>> تي نبصر شنو فيه بس

جمانة >> اول مره نحس اني مضحكه بطريقة هذي

ليث >> حسين

جمانة برمت وجها وسكتت

ليث>> شن دار المره هذي ؟

جمانة>> عطاني كف خلاني نصحصح شويه بلكي نعقل

ليث >> جمانة شن دارلك! خليني نمشي نخربله وجه

جمانة>> بلا مشاكل را قلبي واجعني ومش ناقصه

ليث>> انا من اخر مره حالف اني مش ح ندخلك ف اي شي .. بس تبي اي حاجه صدقيني مش ح تلقي حد واقف جنبك قدي

جمانة بحتت فيه >> خليني نركب نرقد

ليث>> ترقدي وين تي ظهر

جمانة>> نرقد عشان ما نقعدش نفكر

جت بتمشي مسكها>> لو تبي اي شي دوريني اه

هزت براسها وركبت وهي مش عارفه كيف صدقت و تلوم في روحها انها من الاساس ردتله

-أسوأ خيبة أمل في حياة البني آدم هي اللحظة اللي بيكتشف فيها فشل اختياره اللي اختاره بمزاجه من بين كل الاختيارات-📍

//
//

روح هارون للحوش من بعد العركة يلي امس عالظهر

وكانت زين واعيه ما رقدتش من امس وموتيه دبشها عشان بتطلع تمشي الحوشهم🙂

علي خشت هارون سمعت صوته ما بتش اتصبي
خش للدار بحت فالدبش وبحت فيها

زين>> نعم؟ في كلمه اخرى تبي تقولها وما قلتهش؟

هارون >> عليش مطلعه دبشك

زين>> بنمشي الحوشنا معش نبي نقعد هنا

هارون>> النبي لمي دبشك وبلا حركات اطفال

زين>> ما تحكيش معايا هكي و بنمشي الهلي مش قتلي تو نحكي مع ثابت وبعدها عدي

هارون>> تي انت الغلطانه وفوقها مازلتي تحكي ؟ انتي طبيعيه ولا شنو

زين>> ايوه ديرني مريضة نفسيه ومتخلفه خلاص هذي الي قعدت... طلعت انا الي ماننفعش وانا اللي سيئة
انا عاذرتك وفاهمه انه مافيش راجل يقعد الفتره هذي كلها مع مراته وما يقدرش يقربلها و كثر خيرك انك صبرت وما جبرتنيش علي شي ولا خنتني