بين الاجبار و الوَجد 💚

23

#بين_الاجبار_والوَجد 💚
الثالثة والعشرين -23-
//
//
قرب ليث من هارون وسلم عليه
هارون >>الحمدلله عالسلامة "وبحت في مرات ليث و ابتسم بمجاملة"

ليث >> الله يسلمك شن صار؟

هارون>> ماحدش يعرف شي مازال

ليث متوتر >> يعني شن ح يسير

هارون>> مش ح يسير شي الله غالب صارت توا "بحت هارون فالبيبي" بنت ؟

ليث >> اها مايا

مسكها هارون منه و ابتسم كانت تشبه امها اكثر من ليث ... اما مرات ليث " مريانا "  كانت واقفه جنب ليث ومش قادره تفهم شن يحكو بحكم امها عربيه كانت تعرف شوي عربي بس الليبي كان صعب عليها انها تفهمه ف كانت واقفه وتبحت فيهم وخلاص

طلع هارون وماسك مايا في يده و ليث يحكي مع مريانا يفهم فيها .... حطو الدبش فالشنطه ومشو شور الحوش

//
//

فالحوش

كانن البنات ياكلن فالتورته و الجو كان حلو و كلهم يهدرزو مع بعضهم

جمانة>> انا ماليش شهر باديه جامعة ونحس بديت نندم علي قريتي هذي

جوري >> مازال ياما جايك من دق 🤣

مسرة>> مشكله في اخر لحظة قررتي طب قعدنا مطرطشين انا وجود في مكان وجوري و زين في مكان
و جمانة في مكان

جوري >> بنات تذكرن ايام المدرسة 🥺

جمانة>> والله احلى ايام ماكانش حد عنده هم بكل
كان كل همنا امتي نكملو امتحانات

مسرة>> و التسريح وتتكاينا عالدكان و تطويلتنا و لمتنا يوم الخميس

جوري >> كلا توا قعدنا نفكرو في ثابت السبع و خبر اخرى

مسرة>> كان ما فكرت فيه في من بنفكر بس

جود>> المشكله انه بعد يحكي معاها تقعد طالقه لسانها

جمانة>> هضا الحب الغبي 😂😂😂

جميلة تنادي في مسرة من فوق >> مسرة تعالي شويه نبيك

مسرة >> ييييه اكيده بابا

ركبت مسرة

جود >> رايح يا بنات عصبي بكل ومتحسس بكللللل مش متحمل كلمة وصاعبه عليه نفسه

جوري >> الله غالب لي صار فيه مش شوية

جود >> باهي لي مروح ليث يعاونه عليه شويه

جوري >> تي كنهم معش وصلو طولو

زين >> تو نرن علي هيرو نشوفه

مسكت تلفونها علي دقت الباب
جمانة>> اكيده هما

طلعن جمانة وجوري يفتحن