بين الاجبار و الوَجد 💚

19

#بين_الاجبار_والوَجد 💚
التاسعة عشر -19-
//
//
صبت جمانة تكر في روحها وفتحت الباب و تنحت

ليث >>مافيش الحمدلله عالسلامة؟

جت مسرة تجري >> لييييييييث
وراها جوري >> الحمدلله عالسلامة ليش ما قلت انك جاي
ليث>> قلت نفجعكم
مسرة>> وين دبشك؟
جوري >> من جابك ؟

ليث>> تي خلوني نخش بس

وخرت جمانة من قدام الباب>> الحمدلله عالسلامة

ليث ببرود>> الله يسلمك "وخش سكر الباب" وين الجماعة

جوري >> قاعدين جوا وامير طالع ومحمد فوق و هيرو عند ثابت

ليث>> امي وين فوق ولا لوطا

جوري>> لا عند جديده هي وماما وباقي البنات

ليث>> خلوني نخش نفجعهم

خش ليث جوا وفرحو كلهم بجيته و سلمو عليه

جوري >> وين مشيتي
جمانة>> عقلي تلخبط
جوري >> علي ردة حسين علي جيت ليث
جمانة>> مانحكيلكش عالبخت كيف لوز😂😂
جوري>> مشي الجو بس

جود >> من جابك
ليث>> واحد صاحبي و حتي شناطيي معاه فسيارة ما خششتهنش

صفية>> خليه يخش نديرو عشا عيب

ليث>> لا بيعدي مستعجل

قعدو يهدرزو معاه وجمانة مصبية بعيد تبحت فيه ... مش فاهمه جيته فالوقت هضا ليش؟
وكنها لما شافاته تلخبطت؟

//
//

فنفس اليوم بس فالليل متأخر

روح هارون للحوش ... خش لزين كانت فالمطبخ ادير في سندوتش

هارون صبا بعيد يبحت فيها

زين برمت >> كنتو فالمزرعة ؟

هارون >> كيف عرفتيني جيت
زين >> مشيتك حتي لو كانت بشوية بس نعرفها "وردت برمت عالغاز"

هارون جا وراها >> و شن تعرفي اخرى

زين>> نعرف انك تحول من ورايا

هارون >> ولو ما حولتش

برمت و كانت لاصقة فالغاز وهارون حاط يديه عالغاز وهي فالنص

نزلت راسها >> نديرلك معايا ولا كليت مع ثابت ؟

هارون طبس راسه >> ما قدرتيش تطولي سانتي اخرى

زين >> هارون 🙄

هارون ضحك >> لا تعشيت كولي انتي

زين >> باهي تحول عشان نعرف نكمل ؟ قبل ما تنحرق الدنيا

هارون قربلها بزياده ... و المره هذي زين ما تحججتش بشي ولا وخرت ولا دفاته

هارون ضحك >> امتحاناتك امتي ؟