بين الاجبار و الوَجد 💚

26

#بين_الاجبار_والوَجد 💚
السادسة و العشرين -26-
//
//
لف كيان علي جوري اللي كانت متوتره بكل

كيان>> احلفي قولي والله انك حامل

جوري >> والله حامل

كيان>> ولد ولا بنت و امتي ح يجي

جوري >> مازاللل ما نعرفش شي درت اختبار منزلي بسس

كيان قرب منها >> والله يا جوري ؟ بجد

جوري >> كيان وترتني يعني فرحان ولا زعلان ولا شنو؟

كيان >> تي شن زعلان ! ح يجيني بيبي ومنك عمري في حياتي اساسا ما تخيلت انه يكون عندي عيله

جوري حطت يدها علي بطنها >> ولا انا

كيان مسك يدها >> نشيلك بكرا للمستشفي ؟

جوري >> اه عشان نطمنو و نشوف كم اسبوع

كيان >> تعرفي اني نحبك صح ؟
جوري هزت براسها ومسكت يده

//
//

ثاني يوم مشو جوري وكيان للمستشفي

وخشت جوري عالدكتورة ومعاها كيان

الدكتوره>> مازال عمره ٣ اسابيع بس
جوري ابتسمت
الدكتورة>> ح نكتبلك علي فيتامينات وحاجات و ح تقعدي اتابعي معايا كل شهر او كل ما تجيني نقولك المره لي بعدها امتي
جوري >> تمام

صبت و طلعت وكيان مازال مش مستوعب هما الاثنين شعورهم ملخبط ما بين فرحة ومابين خوف

طلعو وتكى كيان عالصيدلية يجيبلها فالدوا

كيان >> تبي حاجه؟
جوري >> جيبلي حلو ح ننزل عالبنات نقوللهن
كيان>> من عيوني

نزل كيان وجابلها ووصلها

جوري >> وين ح تمشي؟
كيان >> نطق في ثابت ونجي
جوري >> تمام بعد تروح كلمني
كيان >> من عيوني

خشت جوري للبنات وركبت اول شي قالت الامها اللي كانت مش مصدقه

سعاد تبكي >> ربي يفرحك بيه و تجيبي علي خير
جوري >> عليش الدموع ح تبكيني معاكي
سعاد >> خليني نكلم عوض نقوله
جوري >> لاااااا نتحشم 😂 بعدين قوليله بروحكم
سعاد ابتسمت
جوري >> خليني ننزل للبنات ما بيتش نقوللهن قلت نقولك الاول
سعاد >> بتقعدي ولا بتروحي
جوري >> لا قاعده كيان طلع
سعاد>> حنك صفية عازمه الجيران الجدد اليوم الوليه و صبيتها اللي قتلك عايشه معاهم بس ما شفناهش
جوري >> باهي نتعرفو عليهم

نزلت جوري للبنات و قالت لهن الخبر وكلهن تفاجآن

مسرة >>ح نقعد خالة
جود >> كلنا ح نقعدو خالات
مسرة>> عقبال زين
زين >> ان شاء الله وعقبالكن
مسرة>> مغير انطق فيه ان شاء الله من اول اسبوع 😂
جود >> الحشم بالهون عندنا 🙂😂
مسرة>> خطرها رنيتي علي بابا
جود >> لالا ليش
مسرة>> اليوم عنده جلسة علاج طبيعي وعلي ضوء الجلسة يتحدد لو كان في امل يمشي ولا لا
جود >> ييييييه نسيت بكل
جمانة >> شاله محمد خويا مبدري
جود >> مانبيش نرن عليه خليه بعد يجي نعرفو
جمانة>> باه هيا معايا بنجيب فنجاين القهوه والسفر من فوق
مسرة>> كنك؟
جوري غمزتلها>> جايين هل اوسيفه اليوم 🤣 ماتحقيش فينا مزهزهين وفرحانين
جمانة >> ح تقعدي ام يا الهبله راه 😂
جوري >> لا عادي 😂😂