بين الاجبار و الوَجد 💚

6

#بين_الاجبار_والوَجد 💚
السادسة - 6 -

مشت جود من حذاهم ....جمانه جت بتلحقها بتخش

ليث وقفلها >> ح نمشي وانتِ زعلانه مني ؟
جمانه>> مش نحن منحكوش مع بعضنا ؟
ليث ابتسم >> يعني مُصره تخليني نمشي و انتِ زعلانه افرضي صارتلي حاجه وانا برا

جمانه >> بلا سماطه عاد ح تمشي وتجي بسلامه
ليث >> يعني صافي ؟
جمانه ضحكت >> مش زعلانه بس ما طولش برا عشان ما نزعلش ...ولو روحت ويدك فاضيه ح نقطع معاك صلة الرحم بكل ومعاهن يدك
ليث خبطها علي كتفها وضحك >> ح نجيبلك اللي تبيه بس راجيني مرات نعاود سنه سنتين 😂😂
جمانة>> يا فرحة عمو بيك
ليث >> ان شاء الله خير والله
جمانه >> بكرا ساعه كم طالع؟
ليث >> ٨ الصبح بيوصلني محمد
جمانه >> تمشي وتجي بسلامه

بحت فيها ليث و نفخ في يديه من الصقع >> تعالي نخشو صقعت

جمانه >> لاحقتك " سبقها و قعدت تبحت فيه لعند خش نزلت ايديها و خشت وراه "

- هي كانت نظره ولم تمُر بِسلام .

..
..
من بعد اليوم هضا مرن الايام و الاحداث ماشيه بروتينيه جدا

مرن سنتين !  ايوه سنتين وكم شهر تقريبا

2013 ❤️‍🔥... او السنه اللي كل شي فيها جا بسرعة الكل حد ؟
صدمه ورا صدمه و قرار ورا الثاني و ماحدش فاهم شن صار و شن فيه ؟

1-1-2013

جوري >> يا صبااااااحححححح عيد ميلادي ال ١٨

سعاد تضحك >> بطولة عمرك يا بنيتييي
جوري >> وصيتي عويضه يجيب تورته
سعاد>> هو نحن نقدرو ننسو
جوري >> ليث يوصل اليوم صح؟
سعاد>> تقريبا علعصر ماشيله هارون ومحمد
جوري >> يبقى نلتمو عند جديده صفيه اليوم
سعاد>> اه اكيده

نزلت جوري تجري

سعاد >> بشويه يمي راك اطيحي

نزلت جوري لوطا لقت البنات >> ياصباححححح الخيييير يلي معاناااا يليييي معاناااا

جود >> ههههههههههه صباح اللي عيدميلاده اليوم

جمانه >> صباح الجمال

جوري >> صباح المخطوبين " وغمزتلها "

جمانه>> بطلي 😭😂

جود >> النقطه اللي نخطبت هذي
جمانه>> بنات كلمه ما تآوڤرنش 😒😂
جوري >> باهي بس يعني متريحه انتي ؟
جمانه>> مش عارفه يابنات ١٧ سنه راني 😭
جوري >> هو اوكي بس مش توا العرس قالك ؟ كملي ثانوي السنه الجايه بعدها قالولكم يتفقو
جمانه>> مانعرفش والله بس بابا يقنع فيا قالي انه صح انتي صغيره بس هذينا فرص مش ديما يجن و هما ناس كويسين و الراجل حالته الماديه متريحه
جوري >> مش مهم الماديه ... احكي معاه بعد ما عمامي يسألو ويشوفو بعد ما تحكي معاه قرري
جمانه>> وهضا اللي ح نديره ... ليث امتي يوصل ؟
جوري >>بعد العصر تقريبا
جمانه>> مرايفة عليه بكل
جوري>> مسرة وين ؟؟
جودي>>تساعد في ماما فوق