بين الاجبار و الوَجد 💚

4

#بين_الاجبار_والوَجد 💚
لايك قبل ما تقرو لو سمحتو ❤️
الرابعة - 4 -
جمانه>> جود امك تنادي عليك

جود >> هي راكبه

ليث بحت فيها >> ماتبيش تقولي كل سنة وانت طيب

مسرة>> حقوده هذي قلنالها قالت منبيش
جمانه>> علي اساس حاتفرق لو قلت ولا لا خطاني

ليث يقلد في صوتها ويعاود وراها فالكلام وكلهم يضحكو

جمانه>> سماطه راه ما يضحكش

ليث >> خلاص خشن عندكن مدرسة بكرا

جوري >> خلاص امتحانين ونكملو بعدها يجي هارون وعدني نكملو ويجيبلي شوكلاطات

مع خشت عوض >> سحنتوه عمكم هارون

جوري >> خلينا ندلعو عليه يابابا قبل ما تجي العروس ومعش نحقو دلع

عوض >> كان ما دلعك هارون ندلعك انا حبيبة باتك

جوري >> نجك ليا يا عويضه وخلاص

عوض يضحك وخذاها من يدها وركبو

ليث يعيط وراهم>>اسملله علينا

وخشو كلهم ما عدا جمانه لي مازالت واقفه عند الباب وخش ليث اخر واحد وصكر الباب وقعد مصبي فالسقيفه

جمانه>> كنك تبحت
ليث>> كنك مصبيه
جمانه>> حوشك بروحك؟
ليث>> جمانه كان ما تبطلي طولة لسان معايا والله حا نزعلو من بعضنا
جمانه>> عشان هكي ماتحكيش معايا ولا نحكي معاك ولا تنابشني ولا تجيب سيرتي "ربعت يديها " هكي تمام

قرب ليث منها

جمانه>> هي انت شن فيه

ليث ضحك>> مش نحن عيال عم وخوت؟ وانا تفكيري مريض معناها كنك خفتي

خبطاته علي صدره وخشت >> معش تحكي معايا فاهم

ليث سبقها و هز راسه وخش

..
..

مع ترويحة هارون من الصحرا
وصل هارون للشارع نزل من السياره وبحت الحوشهم ماكانش في حد ... اكيده البنات فالمدرسه لانه كان ظهر

خش للجنان لقى ليث مقعمز

ليث >> الحمدلله عالسلامه
هارون>> الله يسلمك ، كيف ما فيش جامعه
ليث>> عارفني نمشي بالطربات
هارون >> عيّاد عنده العلم
ليث>> عياد لاهي في شغله و جميله الغاليه 🤣
هارون>> وسخ

عزق هارون شنطته فالجنان ماكنش في حيل يكركرها لعند جوا

ليث >> خطرها سمعت

هارون>> شن فيه ؟

ليث>> قالو ليث بيعطي اخته

هارون>> اخته من ؟