بين الاجبار و الوَجد 💚

9

#بين_الاجبار_والوَجد 💚

التاسعة - 9 -
لايك قبل ما تقرو وكومنت بعد 🤍
//
كيان>> اندور معاك كيف يعني ؟

جوري >> كيان انا مايهمنيش هلي شنو نحكي معاك بصراحة ، انت تعرف كويس انه مافيش هل يتخلو علي بنتهم الا لو كان فيه قصة ف انا مايهمنيش هلي كويسين ولا مش كويسين بس يهمني بنعرف انا بنت من باتي من عيلتي شنو ماما توفت وماعنديش لها اي صورة بس ماما يعني سعاد تقولي اني نشبهلها واجد لانها شايفتها كانت ، سوا كانو باقي هلي عايشين او لا بس بنعرف عشان قلبي يتريح ، وبعدها كل حد فينا يمشي من طريق عادي

كيان >> حا نحاول بقد ما نقدر اني ندورلك عليهم لو كان هضا بس طلبك بس ما نوعدكش اني نوصل الشي ! كلا قصة كل حد فينا يعدي من طريق
فكيني من جو المسلسلات اللي اتفرج عليهن زين ! يجوزو عشان شروط وبعدها يحبو بعضهم وجو وهمي خلي الدنيا تمشي كيف ما تمشي

جوري >> عليك ثقه يحبو بعضهم 😒

كيان >> هضا جوك انتي دراما وكل حد يعدي من طريق 😒

جوري >> ما علينا انا قلت اللي عندي دورك توا

كيان>> تقول في مقابلة تلفزون
جوري >> كنه نجم طلق عليك فالتهزاي
كيان ضحك
جوري >> احكي
كيان >> يا ستي انا ماعنديش شروط انا عندي طلب واحد ، انتي تعرفي كويس شغل عيت السبع من الجد للبات شنو صح ! وتعرفي كيف حياتنا ما نضمنلكش وين تمشي بينا الدنيا وكم طبة شرطة تجينا بس اللي نضمنه لكي اني مستحيل نخلي شي يآذي اي حد حواليا .

جوري >> امممم ، مش حانركز واجد في نقطة عيت السبع يكفي تكون معايا انت بحد ذاتك كويس وبس شغلك واي شي لبز ما ليش دخل بيه

كيان جا بيحكي بس مسك اعصابه وخلاها في قلبه و سكت

- ‏وكانت مأساتي أن عقلي دائمًا مزدحم بالكلمات ، وعندما أتحدّث لا أقول شيئًا مما أردت فعلًا أن أقوله ، فيبدو الأمر تافهًا بينما هو يمزقني.

جوري >> الو
كيان >> خلاص انا بنروح للحوش
جوري >> تمام تصبح علي خير
كيان >> قدامك الخير

حط التلفون في جيبة و طلع دخانه و بحت في روشن دار جوري !

اما جوري صكرت الخط و هي متوتره 💔 حطت التلفون جنبها و غمضت عيونها وما قدرتش ترقد

//
//

عالساعه ٩ الصبح
روح هارون من الصحرا

قبل يوم الفاتحه بيوم بزبط ... كان هارب للصحرا .
من قبل كان يهرب من حبه الزين عشان كل ما يشوفها قلبه يوجعه بس توا زين له !
ف قعد يهرب منها ومحمل روحه ذنب الي صار كله

ليث >> في شن تفكر ؟
هارون>>في روحي
ليث>> حا تروق حاتروق بس تبيلها وقت
هارون>> كملت عمري نراجي في اليوم هضا ! ولما جا ؟ تمنيته ما جش تخيّل
ليث>> عارف شن تحس ! بس خليها علي ربك ما تعرفش شن يصير .. ماصار هكي الا وهوا نصيب