بين الاجبار و الوَجد 💚

25

#بين_الاجبار_والوَجد💚
الخامسة والعشرين-25-
//
//
خشو للصالون وكان بشر مش فاهم شن فيه

هارون >> ثابت جاي بيحكي معاك كلمتين
بشر >> و يحكي ان شاء الله خير

ثابت >> بدون مقدمات وعشان ما نكثرش عليك يا عمي خويا الوسطاني نجم طالب يد بنتك الكبيره لو ما عندكش مانع نتشرفو

بشر بحت ب استغراب و قعد ساكت >> نعم

هارون  حس الوضع بيتوتر>> نجم نجم يا بشر طالب يد البنت والراجل موافق علي شروطك كلهن و حاليا بس يدور علي شقة

بشر >> شرطي الوحيد انه يطلع الموضوع من باله

ثابت ضغط علي يده زين >> ليش يا عمي ان شاء الله مش مقصرين معاك في حاجه

بشر >> لالا بس بنتي بتكمل قرايتها وما نبيش نعطيها توا

ثابت >> هي خطبه لعند تكمل مش رافضين شي من شروطك

بشر >> مافيش نصيب

صبا ثابت بدون ما يحكي حرف ولحقه هارون

هارون >> ماتحطش في بالك شي ح نعاود نحكي معاه غير توا طالع من قصة ليث بس

ثابت >> تمام تمام

هارون >> ماشي للمزرعه بعدين؟
ثابت >> اه تعال
هارون>> تم

طلع ثابت وكان نجم قدام الباب يراجي فيه

نجم >> ها شنصار ؟؟؟ شنو قالك
ثابت >> قالي البنت مايبيش يعطيها توا
نجم >> كيف هذي ؟
ثابت >> هضا لي قاله قال نبيها تكمل قرايتها
نجم>> تي البنت مازاللها سنة بس
ثابت >> ما تفكرش هارون حا يرد يحكي معاه
نجم يحك في راسه >> يعني فيه امل
ثابت >> فيه فيه

//
//

نفس الوقت عند جود اللي كانت متوقعه ردة فعل باتها

اول ما طلع ثابت خشلها بشر و قاللها شن تعرفيه جاي طالبك بالاسم بس جود نكرت انها تعرفه وكانت تحكي معاه وهي ح تبكي

كملت كلامها وخشت الدارها لحقتها امها ومسرة

مسرة>> بطلي بكا يسمعك حا يخشلك
امها>> تو بلكي يقتنع غير توا مضايق من اللي صايرله بس
جود >> اوووووف نجم يرن شن نقوله بس
مسرة >> احكي معاه عادي شوفيه شن يقولك
جود >> ما عنديش جهد نرد عليه

امها >> وطي صوتك را يسمعك يخشلك

جود >> شن ندير انا باهي ؟
مسرة>> مدام الموضوع فيد هيرو ما تخافيش

//
//

فالليل عند زين وهارون

زين >> وين ماشي
هارون >> للمزرعه
زين >> اوف مليت من القعده بروحي
هارون>> ناخذك معايا للمزرعه يعني 😂
زين قربته منه >> لا بس خليك معايا يعني ما تمشيش
هارون>> قلت الثابت مبدري ح نجي
زين >> عادي قوله ما قدرتش
هارون ابتسم >> شن تبي بالزبط
زين >> خلينا نطلعو مع بعضنا باهي
هارون>> الساعه ١١وين بنطلعو الدنيا بدت تسكر
زين >> عادي نبرمو بالسياره
هارون قربلها >> باه شن رايك تخليني نطلع و بكرا نطلعو نتعشو برا ؟
زين >> اوووف يعي ح تطلع
هارون>> بدينا عاد
زين >> خلاص اطلع
هارون جا حذاها >> بدون زعل
زين >> ما لكش دخل بس اطلع
هارون مسك تلفونه >> ايوا
ثابت >> تي وينك
هارون>> لا صارلي موضوع
ثابت >> تجي متأخر ولا مش جاي ؟
هارون >> لا مش جاي بكل نتلاقو بكرا
ثابت >> تم