بين الاجبار و الوَجد 💚

8

#بين_الاجبار_والوَجد 💚
الثامنة - 8 -
Aya🔮
..
..

صبت جوري لحقتها كان كيان مصبي فالصاله
جوري ببرود  >> عادي نطلب منك طلب ؟ بما انه خلاص معش فيها توا بنعيشو فحوش واحد 🙂

كيان بجديه هز براسه

جوري >> افرد وجك عشان نعرف نحكي

كيان رفع حاجبه

جوري >> اوووووف حيط ... نبيك تخلي زين تجي للمدرسة لازم ترد وتقرا وتكمل السنه هذي ضروري ... وثاني شي تخلي خوك اللوح يردلها تلفونها عشان نحكي معاها

كيان قرب من جوري ورفع يده فوجها بتهديد >> اولا لما بتحكي مع كيان السبع احكي ب اسلوب ... ثانيا انا مش حيط ولا خويا لوح ؟

جوري قلبها واصل للشارع كله من الخوف رغم القوة لي باينه فيها ... قربتله خطوه >> حا تعطيها التلفون يا كيان السبع ؟

كيان >> ح تطلعي ولا حا يخشو عمامك ويدبسوني فيك اكثر ما انا ادبست

سكتت جوري والكلمه خشت في قلبها كيف السيف حست انها مفروضه علي كل الناس فرض ماحد فيهم يختارها ب ارادته سوا من هلها او العيله الي هي فيها او من الي حايكون راجلها .....نزلت عيونها ودفاته بقوتها لعند كيان حس بقوة الخبطه وطلعت

جمانه>> والله ليث برا سمعتتتت صوته قاعد برا

جوري عقلها مش معاها >> مانحسش في حد اطلعي بس

وقبل ما تطلع جوري مسكها كيان من عند شنطتها سحبها وصكر الباب

جوري برمت>> شن تبي ؟؟؟ خليني نطلع حول يدك من الباب بيش ما تدبسش فيا

كيان بهدوء مستفز>> اهدي وبلا عياط

جوري >> ما عيطتش هذي اولا نبرة صوتي هكي ثاني شي خليني نطلع يا اخي مش بسيف القعده هنا هيه

كيان يضحك

جوري >> عليك براده

علي دقة الباب

جمانة>> حي علمنا وحييييييه

كيان>> وخري يا بنت الناس من الباب هذي دقت نجم " سحب جوري وخرها وهي متنرفزه وفتح الباب"

فتح كيان

نجم خش >> تي ازح كنك ما تفت....
"بحت جنبه " تي كنتنا هنا

كيان خبطه علي كراعه بالقوه>> احييييه ياراجل شن تاكل انت حديد

جوري >> لالا حيط 😒

نجم يضحك>> شن فيه بس 😂😂كنكم

جمانه>> والله مانندريش قريب يضربو بعضهم😭

كيان>> ليث برا؟
نجم>> لا طلع بسياره مع محمد

كيان فتح الباب>> تفضلي اطلعي راك تبكي بس