بين الاجبار و الوَجد 💚

16

#بين_الاجبار_والوَجد💚
السادسة عشر -16-
//
//
عند الهيرو وزين فالليل
كان هيرو بكرا راد للصحرا ... زين دوشت و لبست بجامتها وجت عند المرايه تمشط في شعرها و هارون واقف يحط في تلفونه فالشحن

بحت فيها واستغرب لبستها عشان كل ما لها كل ما تاخذ راحتها اكثر 😂

زين بحتت فيه>> ح تعدي اخرى؟
هارون >> اه عليش ؟
زين>>هارون مانعرفش نصرف في شي بروحي انا مش حنغنيها لكي عاد
هارون>> ناخذك معايا للصحرا يعني 🙂
زين >> عادي نقدر نمشي
هارون بحت فيها >> لاء ريحيني🙂
زين >> ليش تحكي معايا هكي ؟ ليش تغيرت
هارون حط تلفونه وجا لعند المرايه >> وشن يفرقلك ؟
زين >> شي بس بنعرف
هارون >> هذي المعامله ح تكون اكتشفت الطبطبه مش عاجبتك
زين >> كيف يعني ؟ " حطت المشطه و صبت "
هارون ضحك >> نبي نتعشا 🙂
زين >> خليك هك كل ما نسألك سؤال ما تجاوبنيش
هارون >> الاجابه مش ح تفرقلك صدقيني

زين قربت منه >> جرب بلكي تفرق
هارون >> انتِ تنابشي صح ؟ و بعد ندير حاجه تزعلي و تبكي
زين >> لا خلاص معش عندي دموع

هارون قرب منها وحط يده ورا ظهرها >> متأكده ؟

زين ما ردتش بشي

هارون علي قد ماكان يبي يقرب علي قد ما كان خايف من ردة فعلها

زين نزلت راسها بتوتر>> الساعه كم ماشي ؟
هارون >> ١٠- اسبوعين ومروح
زين >> اووووف
هارون ابتسم حول يده من وراها وخش يدوش.... خشت زين للسرير عشان ترقد

طلع هارون لقى زين راقده ... كان يبحت فيها ويذكر في كل لحظة الحُبه لها ماكانش يحلم انها تكون معاه بس لما تحقق الحلم ماكملش بالنهاية السعيده💔

قرّب منها و غطاها

زين وهي مغمضة عيونها>> ارقد هنا لو تبي صقع الصالة

هارون بدون ما يحكي خش جنبها و تغطي ورقد وهوا يبحت فيها

- تمسك بالعلاقة التي لا تجد فيها كلمة احبك ، لكنك تجد فيها كل شيء يُثبتها 💚

//
//

ثاني يوم عند مسرة فالجامعة الي ماكانش قادر اتحمل ثابت اكثر من هكي

ايناس >> الزعل باين علي عيونك
مسرة>> تخيلي كلهم يضحكو عليا 😔يحسسو فيا هبله اني نحب واحد ما يندريش عليا بكل
ايناس >> ليش تقولي هكي شن عرفك انتي مرات يكون حتي هوا يفكر فيك
مسرة>> مستحيل ثابت كبير و عاقل وانا صغيره وقصة هلي بابا مستحيل يعطيني له ومش قادره نتخيله مع غيري
ايناس>> كلا قصة كبير ف بينكم عشر سنين مش قضية والهل نحس بعد ما عمك خذا بنتهم ف ح يكون الوضع اسهل بالنسبة للهل
مسرة>> نفكر فالهل وهوا مش مفكر حتي فيا تعبت
ايناس >> انتو ماتلاقوش و ماتحكوش واجد يعني كيف ح يقدر يعجب بيك او يفطنلك
مسرة >> مش فاهمه لا هو قلبي اللي قدر ينساه ويتريح ويشوف حياته ولا قادره نوصل فيه ولا ح نوصل