بين الاجبار و الوَجد 💚

30

#بين_الاجبار_والوَجد💚
الحلقة الاخيرة -30-
//
//
أتمنى أن نجد ‏نهاية نستحقها بعد كل ما مررنا به من أذى✨💚.
//
//
نجم >> شن صار؟
يوسف>> لا تمام
نجم >> يعني يرد عادي ؟
يوسف >> قالي انه خلاص الملف متسكر بس يرد بهدوء و بدون شوشرة
نجم >> تم قول الثابت طالع انا
يوسف >> اوكي

خش يوسف الثابت وقاله الي صار

ثابت>> يعني ماحدش ح يمسكه لو رد؟

يوسف>> اساسا الخطة مشت كيف ما نبو و كيان ولا كانه كان في المكان من الاساس يعني ماحدش ح يقدر يمسكه

ثابت >> و انت ؟

يوسف>> ما علييش شي انا

ثابت >> تمام تمام

بحت يوسف في ثابت >> من اول يوم شفتك فيه كنت حاس انك انت الي ح تكشفني" و ضحك "

ثابت ضحك>> صح كنت شاك فيك بس انت لي وخرت

✨نردو لاوره شوية عشان نفهمو اللي صار ✨🔥

قبل يوم التسليم بيوم يوسف بعد عرف بالموعد متاع التسليم قعد متوتر رغم انه مدرب وهذي شغلته بس الخوف مرات ما تقدرش تسيطر عليه

كانو قاعدين فالمزرعه وثابت احساسه عمره ما يخيب حتي هوا ثابت السبع 🥵 دور علي يوسف بس ما قدرش يعرف شي لانه ضابط سري يعني شغلته انه يدير شغله بهوية مش هويته ... رغم هكي ثابت ما قدرش يتريحله

وقتها كان نجم ويوسف صحبتهم تقوا و يوسف رغم شغله بس فعليا قرب من نجم ك اصحاب و حس انه عيال السبع مش مجرد تجار ممنوعات وبس ! فيه قصة وراهم خلتهم ينجرو للغلط اللي هما فيه

كان يحكي ويهدرز مع نجم وكان الجو مشحون عشان التسليم بعد كم ساعه ونجم كان مضغوط و يحكي علي نيته ليوسف رغم انه ثابت منبه عليهم كلهم و التسليم ماحدش يعرف بيه الا هما الاربعه بس

نجم>> لو مشى الي ف بالي زي ما انا نبي ح يكون بداية حياة جديدة لنا كلنا

يوسف>> اللي هوا شنو؟

نجم >> ما تشغلش بالك !

يوسف سكت وكان فاهم الغاز نجم

نجم >> الله يسامح اللي خلانا نخشو فالشغله هذي بس

يوسف>> يعني مش بيدك الي انت فيه " وضحك"

نجم بحت فيه >>  تشوفني انا اكثر حد فخوتي متأقلم مع الشغله هذي تحسابني صايع افندي ومقطع السمكه وذيلها بس انفرضت عليا فرض والواحد لما يكبر فالعمر يحس انه الدنيا فانيه ومش مستاهله التعب و الاعصاب هذينا كلهن علي حرام

الكلام كله كان يسمع فيه ثابت ... طلع من عند الباب و بحت في يوسف

يوسف برم عليه