بين الاجبار و الوَجد 💚

13

#بين_الاجبار_والوَجد 💚
الثالثة عشر - 13 -
//
//

باته>> دفع جمانة بنت سيدك الاسبوع الجاي

ليث ضحك >> دفعها و الاسبوع الجاي ؟

باته>> هكي النيه

ليث>> مش ح يسير انا نبيها جمانة 🔥

مسرة كانت مع جود فالدار بعد سمعن ليث بحتن في بعضهن وطلعن يجرن

مسرة>> تبيها كيف ؟؟
جود >> جمانة بنت عمي ؟؟

باته مصدوم >> نعم ؟؟

امه>> تخفف في دمك انت ؟

ليث >> اهدو بشوية بس ... نبي جمانة بنت عمي يعني ح نخطبها

مسرة>> ليث ؟؟ تلعب ولا تعاند ولا شنو
ليث>> بعد نجي نلعب بنلعب مع بنت سيدي ؟ نحكي من جدي ما فيش شي غلط
امه>> لا في غلط!! الغلط انك جيت متأخر و الغلط الاخر انك مازال مش مكون روحك

ليث>> جمانة بروحها ماتبيش العرس توا تبيه بعد سنتين ... بعد سنتين حانكون مكون روحي و داير حوشي وانا بادي من توا

باته>> ما دخلش تكوينة الروح ! فيه عرب حاكيين فالبنت انت بعقلك ولا قاعد تحكي وخلاص

ليث >> والنبي ياباتي تحكي العمي ومستحيل ح يعترض بس بالله عليك نبيها

باته>> حول الموضوع من راسك

ليث>> ياباتي بالله عليك والله انا نبيها بجد مش نلعب ولا مكسد

جود بحتت في مسرة >> خوك انكلب
مسرة>> جمانة ح تنجلط

باته بصوت عالي >> ما تحشمنيش مع خويا قتلك حول الموضوع من راسك خلاص انتهي

ليث مازال يحكي طلع باته وصكر الباب

امه >> غير اهدا بس بلا عياط وتسكير راس حتي انت

ليث>> يارا طالع حتي انا

طلع ليث هو الثاني

جود >> تي شن خطرها بس وخذت جمانة
مسرة>> تي عمره ما لمح حتي تلميح
جود >> صدمني
مسرة>> بعد تريحت مع حسين حلت في عينه ؟ لها سنين قدام وجه
جود >> ليث كل ما له بتنشيف الريق

امهن>> كذا اسكتن وما تحكنش شي الجمانة مافيش داعي نشخشبو الدنيا قبل الدفع بشوية

مسرة>> ماعندنا مانحكو فضيحه هذي تقول فالعصر الحجري

//
//

ثاني يوم عند جوري

عوض >> حكى معايا كيان اليوم
سعاد >> علي جوري
عوض >> اه قالي بيدير حاجه رسمية و قالي امتي ما تقرر يوم قولي
سعاد >> فاتحة ولا دفع؟؟
عوض >> قالي فاتحة
ع خشت جوري >> فاتحة من
عوض >> حكى معايا كيان ع فاتحتكم
جوري >> فاتحتنا نحن ؟ انا وياه!
عوض >> اها ... وقالي انه بين الفاتحة والعرس شهور
جوري >>باهي شوف اللي يناسب
عوض >> كيف هكي ؟ انتي اللي بتجوزي مش انا
جوري >> قصدي عادي انا موافقه عاللي تبيه لو بياخذ رآيي كان قال
عوض >> جوري بلا تسكير راس
جوري >> مش مسكرة راسي يابابا دير اللي يريحك انا موافقه عليه
عوض >> خلاص تو نكلمه بكرا ونتفقو
جوري >> تمام " بحتت في سعاد " بننزلو لوطا مع البنات و زِين
سعاد >> باهي تمام