بين الاجبار و الوَجد 💚

21

#بين_الاجبار_والوَجد 💚
الواحدة والعشرين -21-
//
//
خشت زين ورا هارون و قعمز فالمربوعه

زين >> وصلت توا؟

هارون >> اه جيت هنا قبل الحوش

زين سكتت

هارون >> خليني نحكي معاك قبل ما حد يجي عشان عندي كلام نبيك تسمعيه وفكرت واجد قبل ما نقوله بس انقني معش نقدر نتحمل ولا نقدر نعيش هكي

زين استغربت قعمزت مقابلته

هارون >> من لما كنتي طفلة و انا في بداية مراهقتي
كان كل حد عنده حب طفوله ... كنتي انتي حب طفولتي ...

زين >> نعم ؟ حب شنو؟ واي طفوله

هارون >> خليني نكمل ورحمة باتك عشان انا مجمع الكلام تجميع

زين توترت و سكتت

هارون >> كان ثابت صاحبي واجد وكنت نمشي ونجي عليكم و شبه عايش عندكم كنت نشوف فيك تكبري قدامي و فتره خشيتي للاعدادي و كبرتي و انا بدا شغلي فالصحرا وكل مل نجي كل ما نلقاك كابره ونخاف عليك اكثر و قلبي يتعلق بيك اكثر
ماقدرتش نخون صحبتي بثابت ما حطيتش عيني عليك حتي بلغلط حتي لما بدت صحبتك بالبنات وقعد مشي وجي

كنت نتغاضى علي وجودك ما نبيش نخون الصحبة ومانبيش نجبرك علي شي نشوف فيك صغيره وطفله ومازلتي تقري وانا كبير عليك ومش قدك ولا شاب طايش مراهق عشان تشوفيلي اساسا
قررت نسكت ونشوفلك من بعيد وكل يوم قلبي ينحرق اكثر كل ما نشوفك تكبري و فرصة انك تضيعي من يدي وياخذك حد ثاني تزيد بس ما في اليد حيله
لحد ما جا يوم المستشفي وصار اللي صار عرفتي ليش جيتك؟ عشان كنت خايف عليك
بس برضو ما كنتش فرحان يا زين ! ماكنتش مبسوط وانا واخذك غصبا عني
وفعلا شفتي النتيجة قدامك

زين ماكانتش قادره تحكي بحرف ولا كانت متوقعه اصلا انه هارون يحبها وتصرفاته هذينا كلهن ماكانتش متوقعه حب
كان كل اللي فبالها انها يحترم فيها بس عشان صحبته بثابت و مايبيش يزعلها !
اللخبطه لي هي فيها كانت مخليتها حرفيا مش قادره تحكي شي

هارون >> مانبيش منك رد بس بنقولك انه هذي حياتك ما تنجبريش علي شي انتي ما تبيش
معاك وقتك كامل لو تبي تنفصلي انا موافق وحا نفهم ثابت كل شي تهيالي هضا الحل الي انتي تبيه

زين >> هارون انا مش عارفه كيف نفكر

هارون بحت فيها>> عارف الكلام صعب عليكي بس اهدي وهضا قرارك و تهيالي ح يكون احسن للاثنين

علي دقة الباب و جيت نجم

نجم>> اوووه نسيبنا هنا
هارون >> تي وين مختفي انت وضعك مش عاجبني

انسحبت زين وهما يحكو وخشت وهي مصدومه صدمة من ناحيه حب هارون لها لي ولا مره حست بيه ومن ناحية قصة الانفصال لي فتحها لها