بين الاجبار و الوَجد 💚

24

#بين_الاجبار_والوَجد💚
الرابعة و العشرين -24-
//
//
يوسف >> انتي جارتنا صح
جمانة بحتت فيه >> بنت عيت الحاج محمد
يوسف >> وانا ولد الحاج منصور
جمانة >> تشرفنا
يوسف >> تسلمي
جمانة>> الله يسلمك
يوسف >> مانبيش نضايقك بس شفتك بروحك هكي قلت نجي نسلم عليك وتبي اي حاجه ح تلقيني هنا
جمانة >> شكرا ... بس مش شكلك كبير عالجامعة ؟ حسيتك مفروض متخرج
يوسف ابتسم>> قريت تخصص وكملته وتوا بديت اسنان
جمانة>> معايا يعني
يوسف>> تخصصتي؟
جمانة>> لا هذي سنة اعداد بس بنتخصص اسنان
يوسف>> بالتوفيق اي حاجه دوريني
جمانة ابتسمت>> ان شاء الله

مشى يوسف و جمانة ردت علي تلفونها ومشت الموضوع عادي

//
//

عند مسرة

طلعت من الجامعة وخذاها محمد ومشى بيها عند ليث فالمزرعة

وصلت وخشت سلمت عليهم

ليث >> شن الجو فالحوش
مسرة>> نفس الوضع ماتغيرش
ليث >> امي كيف حالها
مسرة>> كل يوم تسأل عليك بس باتي حالفلها انه لو مشت من وراه مش مسامحها وتحرك م عليك وكبر ام الشطحة
ليث>> لا حول ولا قوة الا بالله .. معش حد حكى معاه؟

مسرة>> امي صفية رغم انها حتي هي مش راضيه علي درته بس ما تبيش تقسي قلبه كل يوم مسكينه تركب من الدروج داهشه و تاعبه عشان تحكي معاه علااقل هي الوحيده لي تقدر تحكي معاه بدون ما يعلي صوته

ليث>> كلمتي هارون امس قالي مش ح يطول ح يمسك اسبوع بس بعدها يروح المره هذي عشان يرد يشوف القصة

مسرة>> باهي كويس

ليث >>محمد عندك حاجه؟
محمد>> لاه بناخذ مسرة نوصلها بس
ليث >> باه اسمع خلينا نطلعو نبي نزرق مشوار عندي كم ورقة تبيلهن ختم نديرهن وخلي مسرة مع هلي
مسرة>> كيف ؟ لو طولت بابا يقتلني
ليث >> لالا مش حنطول ساعه بس
مسرة>> باه انا منعرفش نحكي اوكراني
ليث>> تفهم عربي شويه و اجنبي
مسرة>> تحسابني بلبل اجنبي ما اجنبي
ليث>> مسرة ابلطي 🙂

وجا بيطلع وبرم عليه>> مرات يجي ثابت يبي يجيبلي مفتاح الباب الوراني خليه يحطه لكي تحت الباب ويعدي

مسرة>> علي اساس ح ياكلنا

ليث>> نفضى و نشقو بطولة لسانك
مسرة>> غير عدي
محمد>> هيا عليك مناقره سقدوني

طلعو محمد وليث ومسرة برمت خشت لمريانا كانت ماسكه ماريا

مسرة>> عادي نمسكها
مريانا حكت بالاوكراني انها ما فهمتش

ردت عليها مسرة بالانجليزي

ابتسمت و مدتلها ماريا ... بحتت مسرة فيها وكانت تشبه الامها بس فيها من دمهم و فيها من ملامح ليث