بين الاجبار و الوَجد 💚

11

#بين_الاجبار_والوَجد 💚

الحادي عشر - 11 -

//
//

علي خشت نجم >> نجم مستحيل الشنو بزبط؟؟
زين >> نجم خلي ثابت يطلع ب اي طريقة وتعال نبيك

حط فنجان القهوة علي الطاوله وبدون ما يفهم ليش  وطلع الثابت

ثابت>> هيا ياراجل
نجم >> رن عليا رافع بيخطم ياخذني عنده موضوع عدي انت
ثابت >> خلاص تم

طلع ثابت و خش نجم وصكر الباب

جود >> قتلكن نجمممم لاااا انااا
زين >> ماعندكش الا هوا وصدقيني حا يفهمك
جود >> هو بذات مستحيل يفهمني
جوري >> انا اعصابي خلاص ما تزيديش توتريني احكيله وبلا بكا عشان يفهم منك هيا عاد

خش نجم واتكي علي الساس >> شن فيه ؟ صوتكن عالي بكل هضا اللي خلاني نخش من الاول

زين >> تعالن في دبش فالدار مازال ما وريتش لكن
جوري >> جود عندها حاجه بتحكيها لكي

نجم مستغرب وجود تمسح في دموعها

خشن البنات كلهن للدار وما قعدش غير جود اللي لسانها انزمط ونجم واقف متكي عالساس يراجي فيها تحكي

نجم >> مطولين هكي ؟
جود >> ماه مش عارفه كيف نحكي
نجم>> شن اللي مخليك تبكي ؟
جود مسكت تلفونها وصبت مقابلته>> مش عارفه كيف نبدا ... بس الحصيل انه في حد يهدد فيا بصوري

نجم مسك منها التلفون وكانت جود حاطه عالمحادثة بينها وبين ياسين

جود >> من فترة تعرفت عليه فالجامعة وكان كويس بكلللللل او انا اللي كنت غبيه بكل مش عارفه ... مالنش شهر تقريبا او شهر وشوية و حكيت معاه ماسنجر بعدها ...

"قاطعها نجم">> مافيش داعي نعرف قصة حياته ما نبيش نعرف تفاصيل قولي الملخص وانهي القصة بيش نعرف نتصرف

وكان يحكي وعيونه عالتلفون يقرا فالمحادثة

جود رفعت عيونها  >> القصة قدامك طلع حقير ويهدد فيا بصوري ! ولو ما طلعتش معاه حا يدزهن الليث ؟

نجم مسك اعصابه >> تمام بس تلفونك ح يقعد معايا اليوم

جود >> كيف ؟ ما فهمتش
نجم >> خلاص اعتبريها ماتت القصة واعتبري روحك ما عرفتيش
جود >> بس هو قالي لو ما رديتيش عليا او درتيلي حظر حا نعرف كيف نوصل فيك
نجم رفع عيونه وبحت في جود >> هو بس يسمع اسم نجم السبع و صدقيني ح يتمني انه فعمره ما عرفك ... ح نفك الشفرة وقولي الهلك الشحن خرب ولا التلفون استك اي حاجه لو سألوك ... لعند نتم الموضوع ونحاول نعطيه لكي
جود >> بس
نجم>> ماتخافيش مش ح نخش علي شي ولا حا نشوف شي

جود رفعت حاجبها >> مش علي هكي بس هات نحولك الباسوورد

مدلها نجم التلفون ، فكت الباسوورد ورداته له >> انا اسفه لو الموضوع حا يديرلك مشكله ف خليني نتصرف بروحي ماتخشش في مشاكل عشاني