بين الاجبار و الوَجد 💚

18

#بين_الاجبار_والوَجد 💚
الثامنة عشر-18-
//
//
قرب ثابت من كيان بيفكله يديه ... فلّت كيان يديه و قرب من اسلام

حط يديه وهنا مكلبشات ورا رقبت اسلام وقرّبه 

ثابت >> كيان

قدم كيان من اسلام وكان الكلبشات في يده خانقات رقبة اسلام >> و ديني و رحمة السبع ح نردها لكي ولو كنت تحت الارض

فك يديه وخش

ثابت بحت فالنمس >> توكل الطريق فاضيه

نمس يبحت في نجم >>تمام

ثابت>> دوتك معايا انا

نمس مسك اسلام و ركبو فالسياره وطلعو من المزرعه

ثابت تنهد براحة بعد ما كل شي تم

نجم>> انت كويس ؟
كيان >> فكلي يدي بس

نجم يفكله

بسام>> جا شورك
كيان>> طول الثلاث ايام ما شفتش بكل

ثابت >> جبتلك دبش خش دوش وكول
لا راقد ولا واكل لكي ثلاث ايام

كان شكل كيان مرهق بكل ثلاث ايام بدون نوم بدون اكل و عقله ما وقفش تفكير ابدا

كيان>> شيلوني بس العوض

ثابت >> كيان الساعه 5 الفجر حاتمشي تفجع الناس
خلي الصبح يصبح ونكلم هارون و نقولك

كيان >> ثابت شيلني بس

ثابت >> كيان ح تخرب الدنيا وراه الوضع محوتك حاولنا نلموه توا لا ح يحكي معاك ولا انت حتعرف تحكي بحالتك هذي

كيان >> نبي شحن باهي

ثابت>> فالسياره

طلع كيان حط تلفونه فالشحن و بعد ما ولع قبل ما يشوف شن واصله حط علي رقم جوري ورن

بس رقمها كان مقفل

صكر وشاف المسجات " كيان وينك فالمزرعه مع اصحابك؟ من الصبح ما حكيتش معايا "

"انا تالفه بكل ركبت نغير في دبشي وبننزل للبنات"

قرا المسجات و رد حط علي رقمها ورن وبرضو لقاه مقفل 💔 عزق التلفون جنبه ومعش عرف شن يدير
من صغره ما حسش انه الدنيا ممكن تضحكله وحتي خطبته بجوري كانت فوق التقليديه مافيش اي مشاعر وبعدها حس انه فيه حد فالدنيا يخاف عليه ويفكر فيه .. لقى حد زاد خلاه يحب يومه و كل شويه يشوف التلفونه

والاكبر من هكي انه الشخص هضا حاط الامل كله فيك وشايفك الامان اللي ممكن يطلعه من هم الدنيا بس شنو اللي صار ؟ النتيجة يوم العرس خلاها مخذوله

حط راسه عالدومان ووقف تفكيره ... نزل من السياره وخش يدوش

//