بين الاجبار و الوَجد 💚

3

#بين_الاجبار_والوَجد 💚
الثالثة - 3 -
مسرة>> عظم الله اجرك
ثابت >> اجرنا واجرك علي الله
مسرة>> عادي نخشو شويه الزين كان مافيش حد
ثابت >> الحوش فاضي نجم طالع ورايا والشباب برا وزين مع عازه الحوش حوشكم
مسرة >> شكرا

جوري >> تي وين عالادب شكرا ما شكرا

مسرة>> شن بنقوله النبي يخوف بكل 🥲😂لازم نحترمه

جوري >> فعلا كلهم رعب 😂😂😂

خشن البنات عالسريع الزين وكان طالع نجم

نجم >> وين عالاحترامات
ثابت >> كيف تبيني نحكيلهن
نجم>> جنك بنات الحاج هيج هي😍
ثابت >> النبي انا وين وانت وين احترم تربت باتك
نجم >> تو عشان حكيت علي بنت يبقي مش محترمه؟ الوجع فالقلب خلّك ما الدي
ثابت >> الله يرحمه ويغفرله
نجم>> قول اللي كانت تحكي معاك من فيهن ؟
ثابت >> نجم ازح ماتبيش اطير؟
نجم>> قعدنا نغارو ايوااااااا

ثابت عطاه بوني علي كتفه

نجم>> قطعه في يدك

ثابت >> بعد نقولك خطاني خطاني من اول مره
نجم>> ان شاء الله يجي اليوم ونلقاك كيف الكلب ورا وحده منهن

وعدا يجري

ثابت >> حقير

جوا عند البنات
زين >> رايفة عليكن والله

جوري>> جايه بناخذك معانا للحوش صبي حطي حاجه علي راسك واطلعي الشارع فاضي

زين >> مستحيل يخلوني

جوري>> غير صبي بس كان انتي بنت عيت السبع نحن بنات الحاج محمد تو نديروله عصابه خوك

زين ابتسمت

جوري>> ايوه هكي ابتسمي يابنتي ، عمتي عازه بناخذو زين معانا

عازه>> خوذنها غيرن جو البنيه قريب تموت لاتاكل لا تشرب هكي هكي مكسده بروحها وانا قاعده كان حد جا عزا

جوري>> ما عليك تو نغديها

عازه>> سلم بنيتي

لبست زين جاكه ثقيله فوق دبشها و طلعت معاهن

كان ثابت خاش من السقيفه

جمانه دفت مسرة>> النبي تحكي معاه انتي يرعش هضا

مسرة بحتت فيها

ثابت >> وين وين طالعات؟

مسرة>> النبي ما تردنا بس تطلع معانا والله حوشنا نحن فاضي و كلهم مش قاعدين الشباب و حتي كان قاعدين ما حد يهوب جوا

جوري >> بعدين مش نحن نجوكم خليها تجينا

مسرة خبطتها تسكت >> شويه بس اتغدا معانا ووعد انا نجيبها