سنابل طافيه

part 1

هلووو يابة شلونكم
هذا منو الي رجعلكم 🙈

رواية " سنابل طافيه "

البارت الأول

بقلمي غفران آل حنيحن
____________________________

" عارٌ على الحُرِّ أن يحيا بأقنِعةٍ، ‏وأن يعيش
ولو يومًا بوجهَينِ "

ديالى

الساعه 10:00 صباحاً

واكفه مقابيل كنتور امي فتحت الكنتور على كيفي اخاف يسمعون الصوت ابتسمت وكمت اگمز من انفتح بدون ميسوي صوت لان هو بالعادة يطلع صوت قوي

سرعان ما انتبهت على نفسي وخليت ايدي على حلكي بخوف بس لا سمعوني ضليت ثواني متصنمه اخاف احد يجي مسحت على راسي بارتياح الحمد الله محد سمع قربت للكنتور مبتسمه بفرح
طلعت المفتاح من صدري وفتحت الدِرج بهدوء رفعت الاوراق الموجودة وطلعت الدفتر الخالته امي جواهن حتى ميبين نزلت دمعتي ومشاعري مبعثرة فرح على حزن على لهفه وفضول هالدفتر صارلي سنين احلم افتحه واقرة الي بداخله ..

رفعت التشيرت وخليته بالبجامه ورجعت نزلته عليه قلصت معدتي بس حتى مايبين خفت لا يوگع وانفضح ساعته صدقا مراح ترحمني..

قفلت الدِرج وسديت الكنتور ورجعت المفاتيح فوك الزاويه
وخليت ايدي على الدفتر من ورة الملابس اتحسس وجودة رغم داحس بي بس القلق مسيطر عليه

طلعت بكل هدوء امشي على اطراف اصابيعي مديت راسي من الباب باوعت اخاف احد موجود كيفت ما لگيت احد
طگيتها ركضه لغرفتي سديت الباب وقفلته رجعت جسمي مرتكية ؏ الباب جسمي كلة يرجف مثل السعفة لزمت جهت گلبي دگاته ممنتضمة

رحت اركض رفعت دوشك الجرباية وخليت الدفتر جواه نزلت الدوشك ورتب الديباج يا إلَلهي طايرة من الفرح احس اكو فراشات بداخل بطني صارلي اشهر احوم على هذا الدفتر بس متصحلي الفرصه حتى اخذه

وهسة واخيرا من بعد سنوات گدرت اخذه وصار بين اديه بس الي جان مخوفني امي تلاحظ عدم وجودة ميهمني المهم اقراه بس هسة ما اگدر لازم تطلع هي وزوجها النذل يلا اگدر اقرأه براحتي ..

بهذي الأثناء سمعت صوت امي العازف وهي تصيح عليه بعصبيه ..
- لجج غضببب وينجج ..
مسحت وجهي لشتي كلها ترجف :- اجييتج يووم ..
رحت اتمشه برهاوة ورغم خوفي ورجفتي بس البسمة مجاي تفارگ وجهي ..

توجهت للمطبخ لگيتها واگفه متخوصرة مقابيل الطباخ بقميص النوم التويتي قصير بارز كل مفاتنها و بياض بشرتها اعترف امي كلش جميلة بشكل رغم عمرها بس تبين بعمري هلگد ممهتمة بنفسها وشكلها هم يساعدها ..