سنابل طافيه

part 42

رواية سنابل طافيه

البارت الثاني والاربعون

بقلمي سراج

......................

🚫 متابعة للحساب ولاتنسون التصويت والتعليق بين الفقرات ..

......................

تعالي لنبكي معاً
من قال أنَّ حزنكِ مسألةٌ شخصية !

.....................

ريـمــــــــــاس :- رتبت البيت كله وبقيت منتضرتهم لحد مايجون تأخروا وهسة وقت نوم سيف معودته ينام بالتسعة ..

اتصل على إسلام ينطيني رفض اكيد الشغل لراسة لساعة 10 ونص رجعوا باوعت عليهم دخلوا ثنينهم بس سيف ماكو وياهم انتضرت اشوفة ماكو ..

باوعت لإسلام متسائلة ..

:- لعد سيف وينه؟

بهت بوجهي ..

::- شني وينه غير نايم؟

ضحكت عبالي يشاقة ..

:- عوفوا الشقة الماصخ گولو وينه اريد انومه تأخر الوقت ما اريدة يتعلم على السهر ..

::- عود صدگ؟

من شفته يحجي بجدية استوعبت الموقف شنو وين راح ابني صرخت بسرعة ..

:- إسلام ابني وين غير اخذته وياك  ..

هو وداني واحد باوع للثاني اختل توازني وحسيت راح افقد الوعي ابني وين راح اجيت اتخبل واني اشوف الحيرة والخوف بعيونهم ..

::- ما اخذته وياي من شوكت اخذة وياي للمعمل؟

گالها وهو يرص على سنونه ..

دانيال :- يمعودين لاتخافون يمكن بالشارع ..

:- لاتخبلني شنو بالشارع شوف الساعة راح تصير بـ 11..

طلع إسلام بدون اي حرف لحگة دانيال ماگدرت انتضرهم گلبي مثل النار لفيت شالي زين ورحت للباب عسى ولعل اشوفة صدگ يلعب ..

الشارع فارغ يصوصي حتى إسلام ودانيال طلعوا مدري وين مالگيت احد بيهم ..

گعدت بعتبت الباب روحي جاي تحترگ وگلبي مخموط دموعي تنزل مثل الجمر على خدي وين رحت ماما كل الصوج بيه لو طالعة وراهم شجاني اول تالي ياخذة إسلام ويا بالتسليم سودة بوجهي وين راح شصار بي ياربي احفضلي ابني بعينك التي لاتنام ورجعة لحضني سالم فدوة رحتلك ..

بقيت گاعدة بالباب ودموعي لحضة وحدة ماوگفت كل املي هسة يرجع إسلام شايلة بحضنة مرت اكثر من ساعة ورجع دانيال ايد ورة وايد گدام ..