سنابل طافيه

part 38

رواية سنابل طافية ..

البارت الثامن والثلاثون ..

بقلم غفران آل حنيحن

.....................

🚫 متابعة للحساب دادة ولاتنسون التصويت والتعليق بين الفقرات ..

ـــــــــــــــــــــــــــــــــــــــــــــــــــــــــــ

‏أقاسمك دُعائِي وأستودعك الله في كُل حين . .

بــــراء :- شلت همام بحضني الاعبة وبالي كلة يم ريماس ياترا شصار وياها اني هم صوجي گتلها المفروض ما احجي إسلام لو يريد هو يحجيلها ..

دخلت امي بيدها علاليك كومة عبالك محملة السوگ كله وجايه گعدت بصفي تلهث ..

خليت همام بحضنها ونزلت اجيبلها مي اخذت وصعدت البيت فارغ كلها بدواماتها ..

انطيتها المي شربته جرة وحدة ..

صباح :- يمة فحطت طاح حضج لو جاية وياي ..

گلبت عيوني بملل :- هاي العايزة ..

صباح :- ياااا لعد عرسج لو عرسي ..

:- عرسيش يوم ليش محسستني قابلة وبرضاتي الجاي يصير ترا الزواج هذا كله ممقتنعه بي وخطيتي برگبتكم ليوم الدين ماباريتكم الذمه ..

صباح :- استغفر الله ادري شسويلج ماتگليلي انتِ العميتي على نفسج شگد حاولت وياهم مايجبروج ويسامحونج بس ورا اخر سواية سقط حقج ..

:- حتى انتِ صفيتي وياهم ..

صباح :- اني لا وياهم ولا وياج ثنينكم غلط التصرف السويتي محد يقبل بي احنه وين عايشين ماما ترا احنه عراقين واي اهل ميقبلون الصار على بنتهم اني مو همجية بس انطيج واقعنا العايشين بي والله لو غيرهم وشايفيج احتمال يذبحونج بس اخوانج وابوج ماينطيهم گلبهم ..

:- شسويت ليش محسستني مرتكبة جريمة ..

صباح :- جريمة !! لعد السويتي هوين وين اكو اخو يشوف اخته گاعدة وي ولد غريب ويسولفون والله شنو تحبة ويحبها اي رجال مايقبلها بس الناقص و الماعندة غيرة على عرضة يقبلها انتِ لاتشوفينهم طبطبوج شوية غيرهم وروح امي ميبقوج عايشة ..

:- اسكتي ماما انتِ بكل شيء صافة وياهم ششفتوني زنيت ويا على يا اساس انكتل انتم لو ذابحيني ولا الجاي تسونه بيه ..

صباح :- شگلج الله يهديج تكبرين وتستوعبين حجم الغلط الي اقترفتي وشمايسون بيج حقهم عرضهم انتِ شتردينهم يصفگولج لو يگعدون يرتبولج موعد غرامي گولي عفية زلم اكتفوا بس بكتلة بسيطة ويزوجوج لإبن عمج ..