سنابل طافيه

part 40

رواية سنابل طافية

البارت الاربعـون

بـ قلم غفران آل حنيحن

🚫 متابعة للحساب دادة ولاتنسون التصويت والتفاعل ..
ـ

ــــــــــــــــــــــــــــــــــــــــــــــــــــــــــــــــــــــ

حاير مِن تجي بيا وردة الاگيك ،
و يا عَين التكفي و بيها أخليك .

شـهـــزنان :- ابتعدت اول ماتقرب مني باوعلي
مستغرب بلعت ريگي بطني كامت تخبط سألني ..

عزام :- شبيج؟

ما رديت التزمت الصمت ..

اردف بنبرة هادئة :- عليش هالخوف والرجيف
اخذي راحتج لاتتقيدين ولاتنسين منو اني ممنوع تخافين مني شمشم ..

نزع سترته وراح للحمام يلا جريت نفس احس
الحرارة تطلع من وجهي ماكو شيء يستوجب
الخوف استرخي شهزنان هدي ..

حاولت افك التسريحه الف ماشة بشعري بين
مافكيتها هو طلع من الحمام لابس تراك وينشف
بشعرة القة نضرة عليه ودار وجهه حتى ميحرجني
طلع للصاله اخذت ثوب نوم ستن ابيض نزعت البدلة بصف الباب ودخلت شغلت الدوش دخلت جوا غسلت شعري من السبري ملمسة بي لزوجه لعبت نفسي غسلته زين وطلعت ..

اول مطلعت من الحمام شفت عزام گاعد على
طرف السرير وممدد رجليه اول ماشافني وكف
على حيلة ..

عزام :- اذا متوضيه تعالي نصلي ..

هزيت راسي بتأكيد فرش السجادات بين مالبست
إزار الصلاة وگفت على السجادة جان متقدم علية
يصلي گبالي اول ماخلصنه التفت عليه مبتسم
إبتسامته توترني ..

عزام :- تقبل الله حبيبي ..

رفعت عيوني اله الحرارة تطلع من اذاني الخجل
اتملكني صح سامعتها هواي منه قبل من جان
معتبرني بمقام بنته واخته بس هسة غير عبالك
اول مرة اسمعها ..

رديت بصوت يادوب ينسمع :- مني و منك صالح
الاعمال ..

عزام :- نتعشى؟

هزيت راسي بالموافقه گمنه لمينه السجادات وراح
هو قبلي حضر العشى نزعت الازار ولحگته الثوب جان قصير يفضح اكثر مايستر والروب فوگه بس تور ..

تعشينه اللگمة من ابلعها احسة يسمع صوتها صمت
رهيب وتوتر خلصنه لملمت الاكل رحت غسلت ودخلت للغرفة جان نظام السويت صاله وغرفة بداخل الغرفة حمام وثلاجه والصالة عبارة عن تخم وبلازمة شيء مرتب وحلو ..