سنابل طافيه

part 39

رواية سنابل طافية ..

البارت التاسع والثلاثون ..

بقلم غفران آل حنيحن

🚫 متابعة للحساب ولاتنسون التصويت والتعليق بين الفقرات احبكم ❤️

_______________________________

القَصيدة الموُ عَلى عُيونچ حَرامات الجِبر بيها .

بـــــــراء :- وگفت على البلكون ممسموحلي اطلعلة بس بوكت يروح جراح لان ميقبل حياتي ويا مثل قبل واتعس اذا قبل جنه نحجي ويدور بينه حوار هسة كل شيء انقطع يطب يطلع بالوقت الي يعجبة ولا عبالك موجودة بس ميتأخر دخلت جوة وسديت الباب منتضرة جيته اريد اطلع اتمشة حيصير 5 شهور واني ماطالعه الباب ..

وهو ابد مابادر وطلعني صح ميطول بطلعاته لان وحدي بس وجودة وعدمة واحد اسمه فارش اوراقة بالصاله ويكتب لو صور لناس اول مرة اشوفهم معلگهن على لوح خشب ومأشر عليهن من غير التسجيلات الصوتية الي يسمعهن عشرات المرات وصرت احفظ الحوارات الي بيها رغم حوار عادي ممل لايطاق بين اشخاص بس يعيده اكثر من مرة وبكل مرة يدون الي سمعة بورقة مرات احسة محقق سري مو محامي معقولة كل المحامين هذا شغلهم؟!

اول ما يدخل بوجهه للحمام يطول قرابت 5 دقايق يلا يطلع مغسل وينزع سترته يصفطها بترتيب ويدخل لغرفته ربع ساعة بالهواي يطلع مبدل ملابسة يشوف اذا مسوية غدة يصب وياكل بدون كلام مرات اخبث وما اعوفله هم يشوف شموجود بالثلاجه ياكل بدون ميحجي عبالك اخرس ملابسة هو يغسلهن ويكويهن حاجاته كلها يكملها هو ميطلب مني اي شيء من يروح ادخل لغرفته الگاها مرتبه حتى السرير مرتبه قبل ليروح افرح اقلها ما اسويلة اي شيء ..

اليوم تعمدت اهوس البيت وما انضفة وحتى غدة ماسويت ردت اغثة وهاي صارت شغلتي بهالبيت ادورلة المغثة دخلت لغرفته ماردت اهوسها اذا على البيت يسكت غرفته يمسح البيت بوجهي اذا فكرت مجر تفكير اطخ شيء بيها ..

گعدت على سريرة زين السبرينك مالته نفس سريري هم مريح رحت لميز المرايه شفت عطرين ومشط وفرشة رجالية وعلبتين ساعات فضية وبنية جلد والثالثة لابسها اليوم هم جلد بس سودة والله خوش مرتبهن غرفته ارتب من حياتي شميت عطوره ريحتهن تقرف ما ادري شعاجبه بيهن
رجعتهن لعبانه نفسي فتحت اول جرار بس ملفات گلبت بيهن ما افتهمت شيء سديته وفتحت الثاني شفت حلقة فضية شلتها وابتسمت بإستهزاء حلقة زواجنة اتمعنت بيها المفروض هاي الحلقة مو الك جراح لو ما نذالتك وحقارتك بس اخخ ميفيد الحجي بعد فات وكته ..

رجعته لمكانه فتحت الشباك من جهته يطل على الشارع العام واسواق سديته ورجعت البرده رحت للكنتور فتحتة معلگ بدلاتة الرسمية والوانهن غامقة يا رصاصي يا اسود يانيلي تراكسودات ثنين وملابس طلعه كاجول اكو جرار بالكنتور خال بيهن جواريبة هذا شدعوة هالگد مرتب ..